ഗ്രാവെൻഹേർസ്റ്റിൽ നടന്ന ഭീകരമായ വാഹനാപകടത്തിൽ രണ്ട് പേർ മരിച്ചു. മസ്കോക്ക റോഡ് 169-ൽ നാറോസ് റോഡിന് സമീപം രണ്ട് വാഹനങ്ങൾ കൂട്ടിയിടിച്ചാണ് അപകടമുണ്ടായത്. വിവരമറിഞ്ഞ് പ്രൊവിൻഷ്യൽ പോലീസ് സ്ഥലത്തെത്തി. അപകടം കണക്കിലെടുത്ത് പോലീസ് ആ റോഡ് അടച്ചിട്ടു. അപകടത്തിൽ ഗുരുതരമായി പരിക്കേറ്റ 50 വയസ്സുകാരനായ ഗ്രാവെൻഹേർസ്റ്റ് സ്വദേശിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.
കൂട്ടിയിടിച്ച മറ്റൊരു കാറിലെ രണ്ട് പേരിൽ, ഡ്രൈവറെ ഗുരുതരമായ പരിക്കുകളോടെ ടൊറന്റോയിലെ ആശുപത്രിയിലേക്ക് മാറ്റി. ആ കാറിലുണ്ടായിരുന്ന യാത്രക്കാരനായ 61 വയസ്സുകാരനായ മസ്കോക്ക ലേക്ക്സ് ടൗൺഷിപ്പ് സ്വദേശി സംഭവസ്ഥലത്തുവച്ച് തന്നെ മരിച്ചു. ഒ.പി.പി. ട്രാഫിക് ഇൻസിഡന്റ് മാനേജ്മെന്റ് എൻഫോഴ്സ്മെന്റ് (TIME) ടീം ഈ അപകടത്തെക്കുറിച്ച് അന്വേഷണം ആരംഭിച്ചു.
ഈ അപകടത്തെക്കുറിച്ച് എന്തെങ്കിലും വിവരങ്ങൾ ലഭിക്കുന്നവർ, പ്രത്യേകിച്ച് ഡാഷ് ക്യാമറ ദൃശ്യങ്ങളുള്ളവർ, 1-888-310-1122 എന്ന നമ്പറിൽ ബ്രേസ്ബ്രിഡ്ജ് ഒ.പി.പി.യുമായി ബന്ധപ്പെടണമെന്ന് പോലീസ് അഭ്യർത്ഥിച്ചു. വിവരങ്ങൾ നൽകുന്നവരുടെ പേര് രഹസ്യമായി സൂക്ഷിക്കുന്ന ക്രൈം സ്റ്റോപ്പേഴ്സ് എന്ന സംവിധാനത്തിലൂടെയും 1-800-222-8477 എന്ന നമ്പറിൽ വിളിച്ചോ വിവരങ്ങൾ കൈമാറാവുന്നതാണ്.
