കഞ്ചാവിൻ്റെ പുതിയ ഉൽപ്പന്നങ്ങളുടെ അമിത ശക്തി ആരോഗ്യരംഗത്തും നിയമരംഗത്തും വലിയ ആശങ്കകൾക്ക് വഴിയൊരുക്കുന്നു. നാല് പതിറ്റാണ്ട് മുമ്പുള്ള കഞ്ചാവുമായി താരതമ്യം ചെയ്യുമ്പോൾ, ഇന്നത്തെ കഞ്ചാവിനും അതിൻ്റെ ഉൽപ്പന്നങ്ങൾക്കും വീര്യം വളരെ വർദ്ധിച്ചിട്ടുണ്ടെന്ന് മാനസികാരോഗ്യ വിദഗ്ധർ പറയുന്നു. ഉദാഹരണത്തിന്, സസ്കാച്ചുവനിലെ റിയാലീഫ് കഞ്ചാവ് കടയിലെ മാത്യു ഫോക്സ് പറയുന്നതനുസരിച്ച്, അവരുടെ ‘മാർവിൻ’സ് പ്രീമിയം കാൻഡി’യുടെ ഓരോ എഡിബിളിലും 2,000 മില്ലിഗ്രാം THC (ടെട്രാഹൈഡ്രോകനാബിനോൾ) അടങ്ങിയിട്ടുണ്ട്. ഇത് കേന്ദ്ര നിയമം അനുവദിക്കുന്നതിൻ്റെ 200 മടങ്ങാണ്. “ഞാൻ ഒരിക്കൽ 1,500 മില്ലിഗ്രാം എടുത്തിട്ടുണ്ട്. മൂന്ന് ദിവസം വരെ ‘ലഹരിയിലായിരുന്നു” ഫോക്സ് തുറന്നു സമ്മതിക്കുന്നു.
കേന്ദ്ര നിയമപ്രകാരം 10 മില്ലിഗ്രാം THC ആണ് ഒരു പാക്കറ്റിൽ അനുവദനീയമായ പരമാവധി അളവ്. എന്നാൽ, ഗോത്രവർഗ വിഭാഗങ്ങളുടെ നിയന്ത്രണത്തിലുള്ള കഞ്ചാവ് കടകളിൽ ഈ നിയമം ബാധകമല്ല. തീവ്ര ശക്തിയുള്ള THC കഞ്ചാവ് തലച്ചോറിൽ ഉണ്ടാക്കുന്ന ആഘാതം ആശങ്കാജനകമാണ്. സാസ്കാച്ചെവാൻ ആരോഗ്യ അതോറിറ്റിയുടെ കണക്കുകൾ പ്രകാരം, കഞ്ചാവുമായി ബന്ധപ്പെട്ട മാനസിക പ്രശ്നങ്ങളുമായി അടിയന്തര വിഭാഗങ്ങളിൽ എത്തുന്നവരുടെ എണ്ണം വർഷം തോറും കൂടുകയാണ്: 2022-ൽ 116 പേർ, 2023-ൽ 152 പേർ, 2024-ൽ 165 പേർ എന്നിങ്ങനെയാണ് കണക്കുകൾ.
കോടതികളിൽ കഞ്ചാവ് കേസുകൾ കൂടുന്നു. 2025 മെയിൽ സാസ്കറ്റൂണിൽ ഒരു കൊലപാതകം നടന്നു. തോമസ് ഹാംപ് എന്നയാൾ തന്റെ കാമുകി എമിലി സാഞ്ചെയെ കൊന്നു. കൊല്ലുന്ന സമയത്ത് ഹാംപിന് മാനസിക രോഗം ഉണ്ടായിരുന്നുവെന്ന് ഡോക്ടർമാർ പറഞ്ഞു. അയാൾക്ക് സ്കിസോഫ്രീനിയ, ഒസിഡി, കഞ്ചാവ് ഉപയോഗം മൂലമുള്ള പ്രശ്നങ്ങൾ എന്നിവയുണ്ടായിരുന്നു. പ്രോസിക്യൂഷൻ പറഞ്ഞു, ഇത് കഞ്ചാവ് മൂലമുണ്ടായ മാനസിക രോഗമാണെന്ന് വിദഗ്ധർ പറഞ്ഞു, ഇത് യഥാർത്ഥ മാനസിക രോഗമായിരിക്കാം എന്നും സംശയമാണ്.
മുമ്പ് കഞ്ചാവിൽ THC 2-5% മാത്രമേ ഉണ്ടായിരുന്നുള്ളൂ. ഇന്ന് അത് 25-30% വരെയാണ്. ചിലതിൽ അതിലും കൂടുതൽ. ഇത് വളരെ അപകടകരമാണെന്ന് ഡോക്ടർമാർ പറയുന്നു. സാസ്കാച്ചെവാൻ യൂണിവേഴ്സിറ്റിയിലെ ഡോക്ടർ റോബർട്ട് ലാപ്രെയറി പറഞ്ഞു. ഇതിനെക്കുറിച്ച് നമുക്ക് അറിയാത്ത കാര്യങ്ങൾ ഭയപ്പെടുത്തുന്നതാണെന്ന് ഡോക്ടർ ജോൺ ഹൗലൻഡ് പറയുന്നു.ഇന്നത്തെ കഞ്ചാവിന് മൂന്നിരട്ടി ശക്തിയുണ്ട്. പ്രായം, ഉപയോഗം, കുടുംബത്തിലെ മാനസിക രോഗ ചരിത്രം – ഇതെല്ലാം പ്രധാനമാണ്. ഹെൽത്ത് കാനഡയുമായി ചേർന്ന് കൂടുതൽ പഠനങ്ങൾ വേണം. പുതിയ നിയമങ്ങൾ ഉണ്ടാക്കണം. “ഇത് മാറിക്കൊണ്ടിരിക്കുന്ന വിഷയമാണ് – നിരന്തരം സംസാരിക്കണം” ലാപ്രെയറി പറഞ്ഞു.
