കനേഡിയൻ വർക്ക് പെർമിറ്റ് അപേക്ഷകർ ശ്രദ്ധിക്കുക: നടപടിക്രമങ്ങൾ, കാത്തിരിപ്പ് സമയം, ട്രാക്കിംഗ് വിവരങ്ങൾ, വിശദമായി അറിയാം

നിങ്ങളുടെ സ്വപ്നമാണോ കാനഡിയിൽ ഒരു ജോലി നേടുക എന്നത്. എന്നാൽ, അതിനായി ഒരു കനേഡിയൻ വർക്ക് പെർമിറ്റിന് അപേക്ഷിക്കുക എന്നത് ഒരു പ്രധാനപ്പെട്ട ചുവടുവെപ്പാണ്. അപേക്ഷ സമർപ്പിച്ചതിന് ശേഷം എന്താണ് സംഭവിക്കുന്നതെന്നും, ഓരോ ഘട്ടത്തിലും നിങ്ങൾ ശ്രദ്ധിക്കേണ്ട കാര്യങ്ങളെക്കുറിച്ചും വിശദമായി അറിയാം

അപേക്ഷാ സമർപ്പണത്തിന് ശേഷം

നിങ്ങളുടെ അപേക്ഷ ഓൺലൈനായി സമർപ്പിച്ചുകഴിഞ്ഞാൽ, കനേഡിയൻ സർക്കാർ സ്ഥാപനമായ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) അത് സ്വീകരിക്കുകയും ഒരു അപേക്ഷാ നമ്പർ നൽകുകയും ചെയ്യും. ഇതിനുശേഷം, നിങ്ങളുടെ അപേക്ഷയുടെ സ്വഭാവമനുസരിച്ച് നടപടിക്രമങ്ങൾ വ്യത്യാസപ്പെടാം.

കാനഡക്ക് പുറത്തുനിന്ന് അപേക്ഷിക്കുമ്പോൾ

ബയോമെട്രിക്സും മെഡിക്കൽ പരിശോധനയും: നിങ്ങൾ അപേക്ഷ സമർപ്പിച്ച ശേഷം, ഐആർസിസി (Immigration, Refugees and Citizenship Canada) ബയോമെട്രിക് വിവരങ്ങളും മെഡിക്കൽ റിപ്പോർട്ടും ആവശ്യപ്പെട്ടേക്കാം. ഇത് ആവശ്യപ്പെട്ടാൽ ഉടൻ തന്നെ പൂർത്തിയാക്കാൻ ശ്രദ്ധിക്കുക. മെഡിക്കൽ പരിശോധനകൾ പൂർത്തിയാക്കാൻ ചിലപ്പോൾ മൂന്ന് മാസത്തിലധികം സമയമെടുത്തേക്കാം.

അധിക രേഖകളും അഭിമുഖവും: നിങ്ങളുടെ അപേക്ഷ പരിശോധിക്കുന്ന ഉദ്യോഗസ്ഥൻ കൂടുതൽ വിവരങ്ങളോ രേഖകളോ ആവശ്യപ്പെട്ടേക്കാം. ആവശ്യമെങ്കിൽ ഒരു അഭിമുഖത്തിനും നിങ്ങളെ ക്ഷണിച്ചേക്കാം. ഇത്തരം ആവശ്യങ്ങൾ കൃത്യസമയത്തിനുള്ളിൽ പൂർത്തിയാക്കേണ്ടത് അത്യാവശ്യമാണ്.

അംഗീകാര ഘട്ടം: അപേക്ഷ അംഗീകരിച്ചാൽ, നിങ്ങൾക്ക് ഒരു ‘പോർട്ട് ഓഫ് എൻട്രി (പി.ഒ.ഇ) ലെറ്റർ ഓഫ് ഇൻട്രൊഡക്ഷൻ’ ലഭിക്കും. ഇത് നിങ്ങളുടെ അപേക്ഷ അംഗീകരിക്കപ്പെട്ടുവെന്നതിന്റെ തെളിവാണ്, എന്നാൽ ഇത് നിങ്ങളുടെ വർക്ക് പെർമിറ്റ് അല്ല.

കാനഡയിൽ എത്തുമ്പോൾ: കാനഡയിൽ എത്തുമ്പോൾ അതിർത്തിയിലെ ഉദ്യോഗസ്ഥൻ നിങ്ങളുടെ പി.ഒ.ഇ ലെറ്റർ പരിശോധിച്ച ശേഷം യഥാർത്ഥ വർക്ക് പെർമിറ്റ് നൽകും.

കാനഡക്ക് അകത്ത് നിന്ന് അപേക്ഷിക്കുമ്പോൾ

നിങ്ങൾ കാനഡയിൽ വെച്ച് വർക്ക് പെർമിറ്റ് പുതുക്കുകയോ മാറ്റം വരുത്തുകയോ ചെയ്യുകയാണെങ്കിൽ, നിങ്ങളുടെ അപേക്ഷ ഐആർസിസി ഉദ്യോഗസ്ഥർ ഓൺലൈനായി പരിശോധിക്കും.

അംഗീകാരം ലഭിച്ചാൽ, നിങ്ങളുടെ ഐആർസിസി അക്കൗണ്ടിൽ ഒരു അംഗീകാര പത്രിക ആദ്യം ലഭിക്കും.

ഈ ഓൺലൈൻ അംഗീകാരം ലഭിച്ചാലുടൻ നിങ്ങൾക്ക് ജോലി ആരംഭിക്കാം.

നിങ്ങളുടെ ഫിസിക്കൽ പെർമിറ്റ് ഏകദേശം ആറ് ആഴ്ചക്കുള്ളിൽ തപാൽ വഴി നിങ്ങളുടെ വിലാസത്തിൽ എത്തുന്നതാണ്.

പ്രധാന വിവരങ്ങൾ

കാത്തിരിപ്പ് സമയം: മെഡിക്കൽ പരിശോധനകൾക്കായി മൂന്ന് മാസത്തിൽ കൂടുതൽ കാത്തിരിക്കേണ്ടി വന്നേക്കാം. അധിക രേഖകൾ ആവശ്യപ്പെട്ടാൽ സമയപരിധിക്കുള്ളിൽ തന്നെ അത് സമർപ്പിക്കാൻ ശ്രദ്ധിക്കുക.

അപേക്ഷ ട്രാക്ക് ചെയ്യാം: നിങ്ങളുടെ അപേക്ഷയുടെ തത്സമയ വിവരങ്ങൾ അറിയാൻ ഐആർസിസി ആപ്ലിക്കേഷൻ സ്റ്റാറ്റസ് ട്രാക്കർ ഉപയോഗിക്കാം. ഇതിനായി നിങ്ങളുടെ യു.സി.ഐ (UCI), അപേക്ഷാ നമ്പർ എന്നിവ ആവശ്യമാണ്.

📢 കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/JNSnrvnSqw1DUJljLTLp82

Canadian work permit applicants take note: procedures, waiting times, tracking information, know in detail