ബ്രാംപ്ടൺ: മിസ്സിസാഗയിൽ നിര്യാതനായ എറണാകുളം സ്വദേശിയും കനേഡിയൻ മലയാളി സമൂഹത്തിലെ സജീവ സാന്നിധ്യവുമായിരുന്ന ജോർജ്ജ് ടി. വർഗീസിൻ്റെ (ജോർജ്ജ്കുട്ടി, 64) സംസ്കാര ചടങ്ങുകൾ ഒക്ടോബർ 18 ശനിയാഴ്ച ബ്രാംപ്ടണിൽ നടക്കും.
മിസ്സിസാഗ സെൻ്റ് ഗ്രിഗോറിയസ് ഓർത്തഡോക്സ് ചർച്ചിൽ ഒക്ടോബർ 14 ചൊവ്വാഴ്ച വൈകിട്ട് 7:30-ന് അനുസ്മരണ പ്രാർത്ഥന നടന്നു. പൊതുദർശനം (Viewing) ഒക്ടോബർ 17 വെള്ളിയാഴ്ച വൈകിട്ട് 4 മണി മുതൽ 8 മണി വരെ ബ്രാംപ്ടൺ ഫ്യൂണറൽ ഹോം & സെമിത്തേരിയിൽ (10061 ചിങ്ഗൂസി റോഡ്, ON L7A 0H6) നടക്കും. ശവസംസ്കാര ശുശ്രൂഷ ഒക്ടോബർ 18 ശനിയാഴ്ച രാവിലെ 10 മണി മുതൽ ഉച്ചയ്ക്ക് 12 മണി വരെ മിസ്സിസാഗ സെൻ്റ് ഗ്രിഗോറിയസ് ഓർത്തഡോക്സ് ചർച്ചിൽ നടക്കും. തുടർന്ന് ഉച്ചയ്ക്ക് 1:30-ന് ബ്രാംപ്ടൺ ഫ്യൂണറൽ ഹോം & സെമിത്തേരിയിൽ വെച്ച് സംസ്കാരം നടക്കും. ജോർജ്ജ് ടി. വർഗീസിൻ്റെ വേർപാടിൽ കനേഡിയൻ മലയാളി സമൂഹം അനുശോചനം അറിയിച്ചു.
ജോർജ്ജ് വർഗീസിൻ്റെയും മറിയാമ്മ തെക്കേക്കരയുടെയും മകനാണ് മരിച്ച ജോർജ്ജ് ടി. വർഗീസ്. മേരി (വൽസമ്മ) ആണ് ഭാര്യ. രാജീവ്, ആശ എന്നിവരാണ് മക്കൾ.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Canadian Malayali George T. Varghese's funeral in Brampton; Malayali community to pay their respects
