അലാസ്കയിലേക്കുള്ള യു.എസ്. ട്രക്കുകൾക്ക് ബി.സി. ടോൾ ഏർപ്പെടുത്തുന്നു!
ബ്രിട്ടീഷ് കൊളംബിയയിലൂടെ അലാസ്കയിലേക്ക് പോകുന്ന അമേരിക്കൻ വാണിജ്യ ട്രക്കുകൾക്ക് ടോൾ ഏർപ്പെടുത്താൻ അനുമതി നൽകുന്ന പുതിയ നിയമനിർമ്മാണം ബി.സി. സർക്കാർ പരിഗണിക്കുന്നു. പ്രസിഡന്റ് ട്രംപിന്റെ സാമ്പത്തിക ഭീഷണികളോടും നികുതികളോടുമുള്ള പ്രതികരണത്തിന്റെ ഭാഗമായാണിത്.നോവ സ്കോഷ്യ പോലുള്ള മറ്റ് പ്രവിശ്യകൾ ഇതിനകം തന്നെ യു.എസ്. വാണിജ്യ വാഹനങ്ങൾക്കുള്ള ടോളുകൾ ഇരട്ടിയാക്കിയിട്ടുണ്ട്. എന്നിരുന്നാലും, ബ്രിട്ടീഷ് കൊളംബിയയിൽ ഇത് നടപ്പിലാക്കുന്നത് വെല്ലുവിളികൾ നിറഞ്ഞതാണ്, പ്രത്യേകിച്ച് അലാസ്ക ഹൈവേ പോലുള്ള പ്രധാന റൂട്ടുകളിൽ നിലവിലുള്ള ചെക്ക്പോയിന്റുകളുടെ അഭാവം മൂലം.
“രാജ്യത്തിന്റെ അതിർത്തി മായ്ച്ചു കളയാനും കാനഡയെ കൂട്ടിച്ചേർക്കാനുമുള്ള ആഗ്രഹം നേരിട്ടുതന്നെ പ്രകടിപ്പിച്ച ഒരു അമേരിക്കൻ പ്രസിഡന്റിന് മുന്നിൽ കാനഡ ആദ്യമായി നിൽക്കുകയാണ്,” – പ്രീമിയർ ഡേവിഡ് ഇബി
