ഓട്ടവ: കാനഡയിൽ സ്റ്റഡി പെർമിറ്റ് പുതുക്കുന്ന നടപടിക്രമങ്ങൾ വേഗത്തിലാക്കാൻ ലക്ഷ്യമിട്ട് ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) പുതിയ അൽഗോരിതമിക് ടൂൾ അവതരിപ്പിച്ചു. ‘സ്റ്റഡി പെർമിറ്റ് എക്സ്റ്റൻഷൻ എലിജിബിലിറ്റി മോഡൽ’ എന്ന് പേരിട്ടിട്ടുള്ള ഈ സംവിധാനം ‘റൂട്ടീൻ’ കേസുകൾക്ക് ഉടൻ അംഗീകാരം നൽകി പ്രോസസ്സിംഗ് സമയം കുറയ്ക്കാൻ സഹായിക്കും.നിലവിൽ സ്റ്റഡി പെർമിറ്റ് എക്സ്റ്റൻഷനുകൾക്ക് ശരാശരി 162 ദിവസമാണ് പ്രോസസ്സിംഗ് സമയം എടുക്കുന്നത്. ഇത് കുറച്ച് അപേക്ഷകൾ വേഗത്തിൽ തീർപ്പാക്കാനാണ് ‘പാർഷ്യൽ ഓട്ടോമേഷൻ’ രീതി ലക്ഷ്യമിടുന്നത്.
ഈ ഓട്ടോമേഷൻ ടൂളിന്റെ ഏറ്റവും പ്രധാനപ്പെട്ട പ്രത്യേകത, ഒരു അപേക്ഷയും നിരസിക്കാൻ ഇതിന് കഴിയില്ല എന്നതാണ്. ഈ സിസ്റ്റത്തിന് പോസിറ്റീവായ ‘എലിജിബിലിറ്റി’ (യോഗ്യത) തീരുമാനങ്ങൾ മാത്രമേ ഓട്ടോമേറ്റ് ചെയ്യാൻ സാധിക്കൂ.അനിശ്ചിതത്വമുള്ളതോ സങ്കീർണ്ണമായതോ ആയ ഫയലുകൾ, അല്ലെങ്കിൽ സിസ്റ്റത്തിന് അംഗീകരിക്കാൻ കഴിയാത്ത അപേക്ഷകൾ, ഒരു ഉദ്യോഗസ്ഥന് കൈമാറും. നിരസിക്കാനുള്ള അന്തിമ തീരുമാനം എപ്പോഴും ഉദ്യോഗസ്ഥന്റേതായിരിക്കും. സിസ്റ്റം ‘എലിജിബിലിറ്റി’ മാത്രമാണ് പരിശോധിക്കുന്നത്. സുരക്ഷ, ക്രിമിനൽ പശ്ചാത്തലം, ആരോഗ്യം തുടങ്ങിയ ‘അഡ്മിസിബിലിറ്റി’ പരിശോധനകൾ എപ്പോഴും ഉദ്യോഗസ്ഥർ തന്നെയാണ് നടത്തുക.
സുതാര്യത ഉറപ്പാക്കുന്ന ‘ഡിസിഷൻ ട്രീ’ മോഡലാണ് ഇതിനായി ഉപയോഗിക്കുന്നത്. ഓട്ടോമേഷനിലൂടെ പക്ഷപാതം ഉണ്ടാകുന്നില്ലെന്ന് ഉറപ്പാക്കാൻ തുടർച്ചയായ ഗുണനിലവാര പരിശോധനകൾ നടത്തുമെന്നും, റേസ്, മതം പോലുള്ള സവിശേഷതകളെ അടിസ്ഥാനമാക്കി സിസ്റ്റം തീരുമാനമെടുക്കില്ലെന്നും IRCC വ്യക്തമാക്കി. നിലവിൽ, കാനഡയിലുള്ള വിദ്യാർത്ഥികളുടെ പെർമിറ്റ് പുതുക്കലിന് മാത്രമാണ് ഈ സംവിധാനം ബാധകമാവുക.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Canada’s New Automation Tool To Fast-Track Study Permit Extensions
