യുക്രയ്നുള്ള അനുകൂല്യത്തിൽ കാനഡയുടെ അചഞ്ചലമായ പിന്തുണ തുടരുകയാണ്. യുണൈറ്റഡ് കിംഗ്ഡവും ജർമനിയും ചേർന്ന് നേതൃത്വം നൽകിയ 29-ാമത് യുക്രെയ്ൻ പ്രതിരോധ സമ്പർക്ക ഗ്രൂപ്പ് (UDCG) യോഗത്തിൽ വെച്ച് കാനഡയുടെ പ്രതിരോധ മന്ത്രി ഡേവിഡ് മക്ഗിന്റി യുക്രെയ്നു് 20 മില്യൺ ഡോളർ അധിക സൈനിക സഹായം പ്രഖ്യാപിച്ചു. വെർച്വലായി നടന്ന ഈ യോഗത്തിൽ അമ്പതിലധികം രാജ്യങ്ങളിൽ നിന്നുള്ള പ്രതിനിധികൾ പങ്കെടുത്തു.
ഈ പുതിയ സാഹായത്തോടെ 2022 ഫെബ്രുവരി മുതൽ കാനഡ യുക്രയ്ന് നൽകിയ മൊത്തം സൈനിക സഹായം 6.5 ബില്യൺ ഡോളറായി വർധിച്ചിരിക്കുന്നു. പോളണ്ടിലെ ലെപ്പാർഡ് 2 ടാങ്കുകളുടെ പരിപാലനത്തിനും അറ്റകുറ്റപ്പണികൾക്കുമുള്ള കേന്ദ്രത്തിനായാണ് ഈ 20 മില്യൺ ഡോളർ നൽകുന്നത്. യുക്രെയ്നുള്ള സൈനിക സഹായത്തിനായി കാനഡിയൻ ഗവൺമെന്റ് 2025-26 സാമ്പത്തിക വർഷത്തേക്ക് നീക്കിവെച്ച നിക്ഷേപത്തിൽ നിന്നാണ് ഈ തുക വകയിരുത്തുന്നത്.
യോഗത്തിൽ വെച്ച് മന്ത്രി ഡേവിഡ് മക്ഗിന്റി കൂടുതൽ പ്രധാനപ്പെട്ട പ്രഖ്യാപനങ്ങളും നടത്തി. യുക്രയ്ന് 2 ബില്യൺ ഡോളർ അധിക സൈനിക സഹായം നൽകുമെന്ന് അദ്ദേഹം വ്യക്തമാക്കി. കഴിഞ്ഞ മാസം നടന്ന 2025 G7 ഉച്ചകോടിയിൽ പ്രധാനമന്ത്രി കാർണി നടത്തിയ പ്രഖ്യാപനവും അദ്ദേഹം പരാമർശിച്ചു. കവചിത കോംബാറ്റ് സപ്പോർട്ട് വാഹനങ്ങൾ പോളിഷ് ലോജിസ്റ്റിക്സ് ഹബ്ബിലേക്ക് എത്തിച്ചുതുടങ്ങുന്നത് 2025 ഓഗസ്റ്റിൽ ആയിരിക്കുമെന്നും അദ്ദേഹം അറിയിച്ചു.
നിലവിൽ ഇതിനായുള്ള പരിശീലനം നടന്നുവരികയാണ്. ഈ വർഷം അവസാനിക്കുന്നതിനു മുമ്പായി 50 വാഹനങ്ങൾ യുക്രെയ്ന് കൈമാറുമെന്ന് മന്ത്രി ഉറപ്പുനൽകി. യുക്രെയ്ന് ആവശ്യമായ എല്ലാ സൈനിക സഹായവും എത്രയും വേഗം ലഭ്യമാക്കാൻ കാനഡ സഖ്യകക്ഷികളുമായും പങ്കാളികളുമായും ചേർന്ന് പ്രവർത്തിക്കുന്നത് തുടരുകയാണെന്നും പ്രതിരോധ മന്ത്രി ഡേവിഡ് മക്ഗിന്റി കൂട്ടിച്ചേർത്തു. ഈ നടപടികൾ കാനഡയുടെ ദീർഘകാല പ്രതിബദ്ധതയുടെയും യുക്രെയ്ന്റെ പരമാധികാരത്തോടുള്ള പിന്തുണയുടെയും തെളിവാണ്.
