കാനഡയിലെ ഫെഡറൽ സർക്കാർ ‘ഉപഭോക്താവ് നിയന്ത്രിത ബാങ്കിംഗ്’ എന്നറിയപ്പെടുന്ന ഓപ്പൺ ബാങ്കിംഗ് സംവിധാനം നടപ്പാക്കുന്നതിനുള്ള അവസാന നിയമനിർമ്മാണം എത്രയും പെട്ടെന്ന് അവതരിപ്പിക്കുമെന്ന് പ്രഖ്യാപിച്ചു. വ്യവസായ പങ്കാളികൾ ഈ മേഖലയിലെ പുരോഗതി മുരടിച്ചുവെന്ന് ആശങ്കപ്പെടുന്ന സാഹചര്യത്തിലാണ് ഈ പ്രഖ്യാപനം വന്നിരിക്കുന്നത്. ഓപ്പൺ ബാങ്കിംഗ് സംവിധാനം കാനഡയിലെ ആളുകൾക്ക് അവരുടെ ബാങ്ക് വിവരങ്ങൾ സുരക്ഷിതമായി മറ്റു ഫിൻടെക്സ് കമ്പനികളുമായി പങ്കിടാൻ സഹായിക്കുന്നു. ഇത് കൂടുതൽ സുതാര്യതയും മെച്ചപ്പെട്ട സാമ്പത്തിക ഉപകരണങ്ങളും പരമ്പരാഗത ബാങ്കിംഗിന് ബദലുകളും സാധ്യമാക്കുന്നു.
കഴിഞ്ഞ വർഷം ലിബറൽ പാർട്ടി ഒരു പ്രധാന നിയമം പാസാക്കിയിരുന്നെങ്കിലും, അതിന്റെ പൂർണ്ണ പ്രവർത്തനത്തിനായി മറ്റൊരു നിയമം വേണം, അത് ഇപ്പോഴും പാസാക്കാൻ ബാക്കിയാണ്.. ഫിനാൻഷ്യൽ കൺസ്യൂമർ ഏജൻസി ഓഫ് കാനഡയെ (FCAC) ഈ ചട്ടക്കൂടിന്റെ മേൽനോട്ടം വഹിക്കാൻ ചുമതലപ്പെടുത്തിയിട്ടുണ്ടെങ്കിലും, ബാക്കി നിയമങ്ങൾ പാസാകുന്നതുവരെ അവർക്ക് മുന്നോട്ട് പോകാൻ കഴിയില്ല. കാനഡയിലെ സമീപകാല തിരഞ്ഞെടുപ്പും ഫെഡറൽ ബജറ്റിന്റെ അഭാവവും കാരണമായി പറയപ്പെടുന്ന ഈ കാലതാമസം വ്യവസായ വക്താക്കളെ നിരാശപ്പെടുത്തിയിട്ടുണ്ട്.
പാർലമെന്റ് തീരുമാനമെടുക്കുന്നത് വരെ FCAC ഒരു അനിശ്ചിത നിലയിൽ തുടരുകയാണ് എന്ന് ഫിൻടെക് കാനഡയിലെ അലക്സ് വ്രോൺസസ് പറയുന്നു. നാഷണൽ ബാങ്ക് ഓഫ് കാനഡയിലെ നതാച്ച ബൗദ്രിയാസ് വ്യക്തതയില്ലായ്മയെ കുറിച്ച് ആശങ്കയുണ്ടെന്ന് പറഞ്ഞു. അതേസമയം, അപകടം ഉണ്ടാക്കാവുന്ന ‘സ്ക്രീൻ സ്ക്രാപ്പിംഗ്’ കുറയ്ക്കാൻ ബേങ്ക് സ്വന്തമായി സുരക്ഷിതമായ ഡാറ്റാ പങ്കിടൽ പദ്ധതി ആരംഭിച്ചതും അവർ അറിയിച്ചു. പ്രധാനമന്ത്രി മാർക്ക് കാർണി യുകെയിലെ ഓപ്പൺ ബാങ്കിംഗ് അനുഭവം ഉണ്ടായിരിക്കുന്നതിനാൽ, ഈ ശരത്കാല ബജറ്റിൽ സർക്കാർ നിയമനിർമ്മാണം അവതരിപ്പിക്കുമെന്ന് പ്രതീക്ഷിക്കുന്നതായി വക്താക്കൾ പറഞ്ഞു.
