ബ്രയാൻ വിൽസൺ, ബീച്ച് ബോയ്സിന്റെ ഇതിഹാസ നായകൻ, അന്തരിച്ചു. സംഗീതലോകത്തിന് ഇത് തീരാനഷ്ടം ‘ഗുഡ് വൈബ്രേഷൻസ്’, ‘കാലിഫോർണിയ ഗേൾസ്’ തുടങ്ങിയ എക്കാലത്തെയും ഹിറ്റുകളുടെ സ്രഷ്ടാവ് 82-ആം വയസ്സിലാണ് ലോകത്തോട് വിടപറഞ്ഞത്. ‘ഗുഡ് വൈബ്രേഷൻസ്’, ‘കാലിഫോർണിയ ഗേൾസ്’ തുടങ്ങിയ എക്കാലത്തെയും ഹിറ്റുകൾക്ക് പിന്നിൽ പ്രവർത്തിച്ച, സംഗീതലോകത്തെ സ്വാധീനിച്ച കലാകാരന്മാരിൽ ഒരാളായിരുന്നു അദ്ദേഹം.
വരികൾ ചിട്ടപ്പെടുത്തുന്നതിലും, സംഗീതം ഒരുക്കുന്നതിലുമുള്ള അദ്ദേഹത്തിന്റെ പ്രതിഭ പലത്തവണ പ്രശംസിക്കപ്പെട്ടിട്ടുണ്ട്. ബുധനാഴ്ച വിൽസന്റെ കുടുംബം അദ്ദേഹത്തിന്റെ വെബ്സൈറ്റിലൂടെയും സമൂഹമാധ്യമ അക്കൗണ്ടുകളിലൂടെയും മരണവാർത്ത അറിയിച്ചു. കൂടുതൽ വിവരങ്ങൾ ലഭ്യമായിട്ടില്ല.
മൂന്ന് സംഗീത സഹോദരങ്ങളിൽ മൂത്തയാളും അവശേഷിക്കുന്ന അവസാന കണ്ണിയുമായിരുന്നു ബ്രയാൻ വിൽസൺ. ബ്രയാൻ ബാസും, കാൾ ലീഡ് ഗിറ്റാറും, ഡെന്നിസ് ഡ്രംസും വായിച്ചു.1960-കളിൽ ബീച്ച് ബോയ്സ് ഒരു പ്രാദേശിക കാലിഫോർണിയൻ ബാൻഡിൽ നിന്ന് ദേശീയ തലത്തിലെ ഹിറ്റ് മേക്കേഴ്സായും പിന്നീട് സർഫ്, സൺ സംഗീതത്തിന്റെ അന്താരാഷ്ട്ര അംബാസഡർമാരായും വളർന്നു.
വിൽസൺ തന്റെ കഴിവുകൾക്ക് ഏറെ പ്രശംസിക്കപ്പെട്ടപ്പോൾ തന്നെ, ഒരുപാട് വ്യക്തിപരമായ പ്രശ്നങ്ങൾ അദ്ദേഹത്തെ അലട്ടി. റോക്ക് സംഗീതത്തിലെ ഒരു വലിയ റൊമാന്റിക് ആയിരുന്നു അദ്ദേഹം. തന്റെ പ്രാരംഭ വർഷങ്ങളിൽ, സംഗീതപരമായ പൂർണ്ണതയിലേക്കുള്ള യാത്രയിലായിരുന്നു അദ്ദേഹം. റോക്ക് യുഗത്തിലെ ഏറ്റവും ജനപ്രിയമായ ഗ്രൂപ്പുകളിൽ ഒന്നാണ് ബീച്ച് ബോയ്സ്.
അവരുടെ 30-ലധികം സിംഗിൾസ് ടോപ്പ് 40-ൽ ഇടം നേടിയിട്ടുണ്ട്. കൂടാതെ ലോകമെമ്പാടുമായി 100 ദശലക്ഷത്തിലധികം റെക്കോർഡുകൾ വിറ്റഴിച്ചു. 1966-ലെ “പെറ്റ് സൗണ്ട്സ്” എന്ന ആൽബം 2003-ൽ റോളിംഗ് സ്റ്റോൺ പുറത്തിറക്കിയ മികച്ച 500 ആൽബങ്ങളുടെ പട്ടികയിൽ രണ്ടാം സ്ഥാനത്തെത്തി.
ഹിറ്റുകൾ നൽകുന്നത് നിർത്തിയതിന് ശേഷവും വിൽസൺ ആരാധകരെയും സംഗീതജ്ഞരെയും ആകർഷിച്ചുകൊണ്ടിരുന്നു. തന്റെ അവസാന വർഷങ്ങളിൽ, “പെറ്റ് സൗണ്ട്സ്”, “സ്മൈൽ” തുടങ്ങിയ തന്റെ പ്രധാനപ്പെട്ട ആൽബങ്ങൾ യുവ സംഗീതജ്ഞരുടെ പിന്തുണയോടെ അദ്ദേഹം ആരാധകർക്ക് മുന്നിൽ അവതരിപ്പിച്ചിരുന്നു.
