ഡൊണാൾഡ് ട്രംപിന്റെ വ്യാപാര യുദ്ധം സംബന്ധിച്ച ആശങ്കകൾ ഉണ്ടെങ്കിലും, “ഹോളിവുഡ് നോർത്ത്” എന്നറിയപ്പെടുന്ന ബ്രിട്ടീഷ് കൊളംബിയയുടെ (ബി.സി.) ചലച്ചിത്ര വ്യവസായം തുടർന്നും വളർച്ച നേടിക്കൊണ്ടിരിക്കുകയാണ്. താഴ്ന്ന കനേഡിയൻ ഡോളർ, താരിഫ് ഇളവുകൾ, വിദഗ്ധ തൊഴിലാളികൾ, മികച്ച സ്റ്റുഡിയോ അടിസ്ഥാന സൗകര്യങ്ങൾ എന്നിവയാണ് ഈ വ്യവസായത്തിന്റെ വളർച്ചയ്ക്ക് കാരണം.
ബി.സി.യിലെ ചലച്ചിത്ര വ്യവസായം സമ്പദ്വ്യവസ്ഥയിൽ ഗണ്യമായ സംഭാവനകൾ നൽകി വരുന്നു. തൊഴിലവസരങ്ങളും സാമ്പത്തിക പ്രയോജനങ്ങളും സൃഷ്ടിക്കുന്ന പ്രധാന മേഖലയായി ഇത് മാറിക്കഴിഞ്ഞു.ഏകദേശം 2 ബില്യൺ ഡോളറിന്റെ സാമ്പത്തിക സംഭാവനയാണ് ബി.സി.യിലെ ചലച്ചിത്ര വ്യവസായം നൽകുന്നത്.പ്രദേശത്ത് 26,000-ത്തിലധികം ഫുൾ ട്ടൈം തൊഴിലവസരങ്ങൾ സൃഷ്ടിക്കപ്പെട്ടിരിക്കുന്നു.തൊഴിലാളികൾക്ക് ആവശ്യമായ പരിശീലനം നൽകുന്നതിനുള്ള പദ്ധതികളും നടപ്പാക്കിയിട്ടുണ്ട്.
വിദഗ്ധരുടെ അഭിപ്രായത്തിൽ, ബ്രിട്ടീഷ് കൊളംബിയയുടെ ചലച്ചിത്ര വ്യവസായം വരും വർഷങ്ങളിൽ കൂടുതൽ വളരാൻ സാധ്യതയുണ്ട്. വൈവിധ്യവൽക്കരണവും, ഡിജിറ്റൽ എഫക്ട്സ് മേഖലയിലെ വളർച്ചയും, അനിമേഷൻ സ്റ്റുഡിയോകളുടെ എണ്ണം വർധിക്കുന്നതും ഈ മേഖലയുടെ ശക്തി വർധിപ്പിക്കും.
നിലവിൽ വെല്ലുവിളികൾ ഉണ്ടെങ്കിലും, ബ്രിട്ടീഷ് കൊളംബിയയുടെ ചലച്ചിത്ര വ്യവസായം നിക്ഷേപകർക്കും, പ്രൊഡക്ഷൻ കമ്പനികൾക്കും, കൂടുതൽ ആകർഷകമായി തുടരും എന്നാണ് വിദഗ്ധർ പ്രവചിക്കുന്നത്.
