സ്റ്റെലാന്റിസ് വിൻഡ്സർ പ്ലാന്റ് രണ്ടാഴ്ചത്തേക്ക് അടച്ചിടും
ഒന്റാരിയോ : ഒന്റാരിയോയിലെ സ്റ്റെലാന്റിസ് വിൻഡ്സർ അസംബ്ലി പ്ലാന്റ് ഏപ്രിൽ 7, 14 തീയതികളിൽ തുടങ്ങി രണ്ടാഴ്ചത്തേക്ക് അടച്ചിടുമെന്ന് യൂനിഫോർ ലോക്കൽ 444 അറിയിച്ചു. അമേരിക്കൻ പ്രസിഡന്റ് ഡൊണാൾഡ് ട്രംപ് ഏർപ്പെടുത്തിയ 25% ഓട്ടോമോട്ടീവ് താരിഫുകളുടെ നടപ്പാക്കൽ എന്ന പശ്ചാത്തലത്തിലാണ് ഈ തീരുമാനം.വാഹനങ്ങളിലെ അമേരിക്കൻ അല്ലാത്ത ഭാഗങ്ങൾക്കാണ് ഈ താരിഫ് ബാധകമാകുന്നത്.
CUSMA കരാറിൻ കീഴിൽ ഇറക്കുമതി ചെയ്യുന്ന ഭാഗങ്ങൾ താരിഫ് രഹിതമായി തുടരുന്നുണ്ടെങ്കിലും, ഈ താരിഫ് നിരക്കുകൾ ഓട്ടോമൊബൈൽ വ്യവസായത്തിൽ അനിശ്ചിതത്വം സൃഷ്ടിക്കുകയും കാനഡ, യുഎസ്, മെക്സിക്കോ എന്നിവിടങ്ങളിലെ ഉത്പാദന കേന്ദ്രങ്ങളെ ഇത് ബാധിക്കുകയും ചെയ്യുന്നു.
“വരുന്ന ആഴ്ചകളിൽ കൂടുതൽ ഷെഡ്യൂൾ മാറ്റങ്ങൾ പ്രതീക്ഷിക്കുന്നു, ട്രംപിന്റെ പുതിയ ടാരിഫ് നയം കാനഡയിലെ ഓട്ടോമൊബൈൽ തൊഴിലാളികളെ ആശങ്കയിലാഴ്ത്തിയിരിക്കുകയാണ്. ഞങ്ങൾ ഈ സ്ഥിതിവിശേഷം അടുത്ത് നിരീക്ഷിക്കുകയും അംഗങ്ങളുടെ താൽപര്യങ്ങൾ സംരക്ഷിക്കുകയും ചെയ്യും.” എന്ന് യൂണിയൻ പ്രസിഡന്റ് ജെയിംസ് സ്റ്റിവാർട്ട് പറഞ്ഞു.
