ഒട്ടാവ: കാനഡയുടെ പൗരത്വ നിയമത്തിൽ (Citizenship Act) ഭേദഗതി വരുത്തുന്ന ബിൽ C-3 കനേഡിയൻ പാർലമെന്റിൽ സുപ്രധാന നിയമപരമായ ഒരു ഘട്ടം കൂടി പിന്നിട്ടു. വിദേശത്ത് ജനിച്ച കനേഡിയൻ പൗരന്മാർക്ക് അവരുടെ മക്കൾക്ക് പൗരത്വം കൈമാറാനുള്ള സാധ്യത വർധിപ്പിക്കുന്നതാണ് ഈ ഭേദഗതി. നവംബർ 5-ന് ബിൽ C-3 കനേഡിയൻ ഹൗസ് ഓഫ് കോമൺസിൽ (House of Commons) മൂന്നാം വായന പൂർത്തിയാക്കി. ഇതോടെ, നിയമപരമായ അംഗീകാരം (Royal Assent) നേടി ഔദ്യോഗിക നിയമമായി മാറാനുള്ള സാധ്യതയുലേക്ക് അടുക്കുകയാണ്.
നിലവിലുള്ള നിയമമനുസരിച്ച്, വിദേശത്ത് ജനിച്ച ഒരു കനേഡിയൻ പൗരന് അവരുടെ കുട്ടിക്ക് (വിദേശത്ത് ജനിച്ചതാണെങ്കിൽ) പൗരത്വം കൈമാറാൻ സാധിക്കുമായിരുന്നില്ല. ‘ഫസ്റ്റ്-ജനറേഷൻ ലിമിറ്റ്’ (FGL) എന്ന ഈ നിയമം റദ്ദാക്കുന്നതിനാണ് ബിൽ C-3 ലക്ഷ്യമിടുന്നത്. ബിൽ C-3 നിയമമാകുന്നതോടെ, നിലവിലെ നിയമം കാരണം പൗരത്വം നഷ്ടപ്പെട്ട നിരവധി രണ്ടാം തലമുറ കനേഡിയക്കാർക്ക് (Second-generation Canadians) പൗരത്വം തിരികെ ലഭിക്കാൻ സാധ്യതയുണ്ട്. രണ്ടാം തലമുറയിലെ കുട്ടികൾക്ക് പൗരത്വം ലഭിക്കണമെങ്കിൽ, അവരുടെ കനേഡിയൻ മാതാപിതാക്കൾക്ക് കാനഡയുമായി ബന്ധം (Substantial Connection to Canada) ഉണ്ടായിരുന്നെന്ന് തെളിയിക്കണം. അതായത്, കുട്ടി ജനിക്കുന്നതിന് മുൻപുള്ള അഞ്ച് വർഷ കാലയളവിൽ മാതാപിതാക്കൾ കുറഞ്ഞത് 1,095 ദിവസം (3 വർഷം) കാനഡയിൽ താമസിച്ചിരിക്കണം. ഈ ഭേദഗതി പ്രവാസികളായ നിരവധി കനേഡിയൻ കുടുംബങ്ങൾക്ക് വലിയ ആശ്വാസമാണ് നൽകുന്നത്. ഈ വർഷം ഡിസംബറിൽ വന്ന ഒരു കോടതി വിധി നിലവിലെ FGL നിയമം ഭരണഘടനാ വിരുദ്ധമാണെന്ന് കണ്ടെത്തിയതിനെ തുടർന്നാണ് സർക്കാർ ഈ നിയമഭേദഗതി കൊണ്ടുവരുന്നത്.
ബിൽ C-3 ഇനി പാർലമെന്റിന്റെ ഉപരിസഭയായ സെനറ്റിൽ (Senate) വായനകൾ പൂർത്തിയാക്കി റോയൽ അസൻ്റ് (ഗവർണർ ജനറലിൻ്റെ അംഗീകാരം) നേടേണ്ടതുണ്ട്. അതിനുശേഷം ഇത് കനേഡിയൻ നിയമമായി പ്രാബല്യത്തിൽ വരും.
ഒരു അംഗീകൃത ഇമിഗ്രേഷൻ കൺസൽട്ടന്റിന്റെ സേവനങ്ങൾക്ക് ബന്ധപ്പെടാം: +1 (289) 690-8119 ( eHouse Immigrations Services Ltd) (https://ehouseimmigration.ca/)
കാനഡയിലെ ഏറ്റവും പുതിയ വാർത്തകൾക്കായി:https://chat.whatsapp.com/Ghtm5bIjsVN8SItyDlaj3Q?mode=wwt
Amendment to Citizenship Act passes major legal milestone, comes one step closer to expanding eligibility
