ഫ്രെഡറിക്ടൺ: ന്യൂ ബ്രൺസ്വിക്കിലെ ഗ്രാമീണ മേഖലകളിൽ ആരോഗ്യ സേവനങ്ങൾ മെച്ചപ്പെടുത്തുന്നതിനായി ആംബുലൻസുകളുടെയും ജീവനക്കാരുടെയും പ്രവർത്തന രീതിയിൽ നിർണ്ണായക മാറ്റങ്ങൾ വരുത്തുന്നു. ആറുമാസം നീണ്ടുനിന്ന പൈലറ്റ് പ്രോജക്ട് വിജയകരമായതിനെത്തുടർന്നാണ് പുതിയ രീതി പ്രവിശ്യയിലുടനീളം നടപ്പിലാക്കാൻ തീരുമാനിച്ചത്.
പുതിയ ക്രമീകരണം അനുസരിച്ച്, ഗ്രാമീണ മേഖലകളിൽ നിയോഗിക്കപ്പെട്ട പാരാമെഡിക്കുകൾ ഇനി മുതൽ അതത് കമ്മ്യൂണിറ്റികളിൽ തന്നെ സേവനമനുഷ്ഠിക്കും. നേരത്തെ, നഗരപ്രദേശങ്ങളിൽ ജീവനക്കാരുടെ കുറവുണ്ടാകുമ്പോൾ ഗ്രാമങ്ങളിലെ ആംബുലൻസുകളെ അവിടേക്ക് കൊണ്ടുപോകുന്ന പതിവുണ്ടായിരുന്നു. ഇത് ഗ്രാമങ്ങളിൽ അടിയന്തര ചികിത്സ ലഭിക്കുന്നതിന് വലിയ താമസം വരുത്തിയിരുന്നു. പുതിയ നിയമം വരുന്നതോടെ ആംബുലൻസുകൾ എപ്പോഴും അതത് ഗ്രാമങ്ങളിൽ തന്നെ ലഭ്യമാകും.
ഗ്രാമീണ മേഖലകളിലെ താമസക്കാർക്ക് കൃത്യസമയത്ത് വൈദ്യസഹായം ഉറപ്പാക്കാൻ ഈ മാറ്റം സഹായിക്കുമെന്ന് പാരാമെഡിക് അസോസിയേഷൻ അറിയിച്ചു. അടിയന്തര ഘട്ടങ്ങളിൽ മാത്രമല്ല, ബി.പി (BP), ഷുഗർ പരിശോധനകൾക്കും തുടർചികിത്സകൾക്കും പാരാമെഡിക്കുകളുടെ സേവനം ഇനി ഗ്രാമങ്ങളിൽ കൂടുതൽ എളുപ്പത്തിൽ ലഭിക്കും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Ambulance services in New Brunswick to be changed; more consideration given to rural areas
