എഡ്മന്റൺ: ആൽബർട്ടയിലെ ആശുപത്രികളിൽ ഇൻഫ്ലുവൻസ രോഗികളുടെ എണ്ണം ക്രമാതീതമായി വർദ്ധിക്കുന്ന സാഹചര്യത്തിൽ, പ്രവിശ്യയിൽ പൊതുജനാരോഗ്യ അടിയന്തരാവസ്ഥ പ്രഖ്യാപിക്കണമെന്ന ആവശ്യവുമായി ഡോക്ടർമാർ രംഗത്ത്. എമർജൻസി വാർഡുകൾ താങ്ങാനാവാത്ത സമ്മർദ്ദത്തിലാണെന്നും അടിയന്തര ഇടപെടൽ അത്യാവശ്യമാണെന്നും ഡോക്ടർ വാരൻ തിർസ്ക് ഉൾപ്പെടെയുള്ള വിദഗ്ധർ ചൂണ്ടിക്കാട്ടുന്നു. എന്നാൽ, നിലവിലെ സാഹചര്യം നിയന്ത്രണവിധേയമാണെന്നും ആരോഗ്യ അടിയന്തരാവസ്ഥയുടെ ആവശ്യമില്ലെന്നുമാണ് ആൽബർട്ട സർക്കാരിന്റെ ഔദ്യോഗിക നിലപാട്.
ആൽബർട്ട പബ്ലിക് ഹെൽത്ത് ആക്ട് പ്രകാരം സർക്കാരിന് 30 ദിവസത്തേക്കും പാൻഡെമിക് സാഹചര്യങ്ങളിൽ 90 ദിവസത്തേക്കും അടിയന്തരാവസ്ഥ പ്രഖ്യാപിക്കാൻ അധികാരമുണ്ട്. 2020 മാർച്ചിലും 2021 നവംബറിലും കോവിഡ് വ്യാപനത്തെത്തുടർന്ന് ആൽബർട്ടയിൽ ഇത്തരത്തിൽ അടിയന്തരാവസ്ഥ പ്രഖ്യാപിച്ചിരുന്നു. ഇക്കാലയളവിൽ ആക്ട് 52 പ്രകാരം പ്രതിസന്ധി കൈകാര്യം ചെയ്യുന്നതിന് ആരോഗ്യവകുപ്പിന് പ്രത്യേക അധികാരങ്ങൾ ലഭിക്കും.
2025-ൽ പുതുക്കിയ നിയമപ്രകാരം അടിയന്തരാവസ്ഥാ ഘട്ടത്തിൽ ആരോഗ്യ മന്ത്രിയ്ക്കോ ബന്ധപ്പെട്ട ഏജൻസികൾക്കോ വാറന്റ് ഇല്ലാതെ കെട്ടിടങ്ങളിൽ പ്രവേശിക്കാനും സ്വകാര്യ സ്വത്തുക്കൾ ഉപയോഗിക്കാനും യോഗ്യരായ വ്യക്തികളുടെ സേവനം ആവശ്യപ്പെടാനും അധികാരമുണ്ടാകും. കൂടാതെ മെഡിക്കൽ സാമഗ്രികളുടെ വിതരണവും ആരോഗ്യസേവനങ്ങളുടെ ഏകോപനവും നേരിട്ട് നിയന്ത്രിക്കാനും സാധിക്കും. മുൻപ് 2016-ലും 2023-ലും ആൽബർട്ടയിൽ കാട്ടുതീ പടർന്നപ്പോഴും എമർജൻസി മാനേജ്മെന്റ് ആക്ട് പ്രകാരം അടിയന്തരാവസ്ഥ പ്രഖ്യാപിച്ചിരുന്നു.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=wwt
Alberta’s health sector in crisis: Doctors demand ‘state of emergency’; government refuses to budge!
