ആൽബെർട്ടയിലേക്ക് കുടിയേറാൻ ആഗ്രഹിക്കുന്നവർക്ക് സന്തോഷ വാർത്ത. ആൽബെർട്ട അഡ്വാന്റേജ് ഇമിഗ്രേഷൻ പ്രോഗ്രാം (AAIP) വിവിധ മേഖലകളിലേക്ക് പുതിയ ഡ്രോകൾ നടത്തി. പ്രവിശ്യയുടെ തൊഴിൽ കമ്പോളത്തിലെ ആവശ്യകതകൾ നിറവേറ്റുന്നതിനായി പ്രത്യേക തൊഴിൽ മേഖലകളിൽ നിന്നുള്ളവർക്കാണ് ഈ ഡ്രോകളിലൂടെ ഇൻവിറ്റേഷൻ അയച്ചത്.
സെപ്റ്റംബർ 2,3,4,5,8,9,10 തീയതികളെ നറുക്കെടുപ്പുകളുടെ വിശദാംശങ്ങൾ:
സെപ്റ്റംബർ 10: ആൽബെർട്ട എക്സ്പ്രസ് എൻട്രി സ്ട്രീം – മുൻഗണനാ മേഖലകൾ (ഏവിയേഷൻ). കുറഞ്ഞ സ്കോർ: 50. ഇൻവിറ്റേഷൻ: 30.
സെപ്റ്റംബർ 9: ആൽബെർട്ട എക്സ്പ്രസ് എൻട്രി സ്ട്രീം – മുൻഗണനാ മേഖലകൾ (ഹെൽത്ത് കെയർ). കുറഞ്ഞ സ്കോർ: 64. ഇൻവിറ്റേഷൻ: 70.
സെപ്റ്റംബർ 8: ആൽബെർട്ട എക്സ്പ്രസ് എൻട്രി സ്ട്രീം – മുൻഗണനാ മേഖലകൾ (കൺസ്ട്രക്ഷൻ). കുറഞ്ഞ സ്കോർ: 61. ഇൻവിറ്റേഷൻ: 121.
സെപ്റ്റംബർ 5: ആൽബെർട്ട എക്സ്പ്രസ് എൻട്രി സ്ട്രീം – മുൻഗണനാ മേഖലകൾ (അഗ്രികൾച്ചർ). കുറഞ്ഞ സ്കോർ: 48. ഇൻവിറ്റേഷൻ: 71.
സെപ്റ്റംബർ 4: ആൽബെർട്ട ഓപ്പർച്യുണിറ്റി സ്ട്രീം. കുറഞ്ഞ സ്കോർ: 56. ഇൻവിറ്റേഷൻ: 891.
സെപ്റ്റംബർ 3: ഡെഡിക്കേറ്റഡ് ഹെൽത്ത് കെയർ പാത്ത്വേ – നോൺ-എക്സ്പ്രസ് എൻട്രി. കുറഞ്ഞ സ്കോർ: 44. ഇൻവിറ്റേഷൻ: 67.
സെപ്റ്റംബർ 2: ഡെഡിക്കേറ്റഡ് ഹെൽത്ത് കെയർ പാത്ത്വേ – എക്സ്പ്രസ് എൻട്രി. കുറഞ്ഞ സ്കോർ: 49. ഇൻവിറ്റേഷൻ: 126.
ആരോഗ്യ സംരക്ഷണം, നിർമ്മാണം, കൃഷി, ഏവിയേഷൻ തുടങ്ങിയ മേഖലകളിലെ തൊഴിലാളികളെ ലക്ഷ്യമിട്ടാണ് ആൽബെർട്ട ഈ ഡ്രോകൾ നടത്തുന്നത്. ഓരോ സ്ട്രീമിനും തൊഴിൽ മേഖലയ്ക്കും അനുസരിച്ച് ആവശ്യമായ ഏറ്റവും കുറഞ്ഞ സ്കോറിൽ വലിയ വ്യത്യാസങ്ങൾ ഉണ്ടായിരുന്നു. ആരോഗ്യ മേഖലയിലെ ഉയർന്ന ആവശ്യ പരിഗണിച്ച് കുറഞ്ഞ സ്കോറിൽ പോലും ആരോഗ്യ പ്രവർത്തകർക്ക് ക്ഷണം ലഭിക്കുന്നുണ്ട്, ഇത് ഈ മേഖലയിലെ ഉയർന്ന തൊഴിലവസരങ്ങളെ സൂചിപ്പിക്കുന്നു.
ആൽബെർട്ടയിൽ നിലവിൽ ജോലി ചെയ്യുന്ന വിദേശ തൊഴിലാളികൾക്ക് വേണ്ടിയുള്ള ആൽബെർട്ട ഓപ്പർച്യുണിറ്റി സ്ട്രീമിൽ വലിയ തോതിലുള്ള ഡ്രോകൾ നടക്കുന്നുണ്ട്.
അപേക്ഷാ യോഗ്യതയും പ്രക്രിയയും:
ആൽബെർട്ട എക്സ്പ്രസ് എൻട്രി സ്ട്രീം വഴി ക്ഷണിക്കപ്പെടാൻ, ഫെഡറൽ എക്സ്പ്രസ് എൻട്രി പൂളിൽ സജീവമായ പ്രൊഫൈലും കുറഞ്ഞത് 300-ന്റെ കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോറും ഉണ്ടായിരിക്കണം. തിരഞ്ഞെടുക്കപ്പെടുന്നവർക്ക് പ്രവിശ്യാ നോമിനേഷനായി അപേക്ഷിക്കാം. നോമിനേഷൻ ലഭിച്ചാൽ, അവരുടെ എക്സ്പ്രസ് എൻട്രി പ്രൊഫൈലിൽ 600 അധിക പോയിന്റുകൾ ലഭിക്കും, ഇത് കാനഡയിലെ സ്ഥിരതാമസത്തിനുള്ള ക്ഷണം ലഭിക്കാൻ സഹായിക്കും.
കാനഡ വാർത്തകൾ മലയാളത്തിൽ ലഭിക്കുവാൻ താഴെയുള്ള ലിങ്ക് വഴി Canada Talks വാട്സ്ആപ്പ് ഗ്രൂപ്പിൽ അംഗമാകൂ : https://chat.whatsapp.com/JNSnrvnSqw1DUJljLTLp82
The Alberta Advantage Immigration Program (AAIP) conducts draws to invite candidates for provincial nomination.
