ഒന്റാറിയോയിൽ മീസിൽസ് പകർച്ചവ്യാധി അതിരൂക്ഷമായി തുടരുന്നു, രോഗബാധിതരുടെ എണ്ണം ആശങ്കാജനകമായ 1,000 കടന്നിരിക്കുന്നു. പബ്ലിക് ഹെൽത്ത് ഒന്റാറിയോ ഈ ആഴ്ച 95 പുതിയ കേസുകൾ റിപ്പോർട്ട് ചെയ്തു. കഴിഞ്ഞ ഒക്ടോബറിൽ പകർച്ചവ്യാധി ആരംഭിച്ചതിനു ശേഷമുള്ള ആകെ രോഗബാധിതരുടെ എണ്ണം 1,020 ആയി എത്തിയിരിക്കുന്നത് ഗുരുതരമായ ആരോഗ്യപ്രശ്നമായി നിലനിൽക്കുന്നു. ഈ കേസുകളിൽ ഭൂരിഭാഗവും തെക്കുപടിഞ്ഞാറൻ ഒന്റാറിയോയിൽ കേന്ദ്രീകരിച്ചിരിക്കുന്നു, പ്രധാനമായും പ്രതിരോധ കുത്തിവയ്പ് എടുക്കാത്ത ശിശുക്കൾ, കുട്ടികൾ, കൗമാരക്കാർ എന്നിവരിലാണ് രോഗം കാണപ്പെടുന്നത്.
വ്യാഴാഴ്ച പുറത്തിറക്കിയ ഏജൻസിയുടെ ആഴ്ചയിലെ റിപ്പോർട്ട് അനുസരിച്ച്, വാക്സിനേഷൻ എടുക്കാത്ത വ്യക്തികൾക്കിടയിൽ തുടരുന്ന എക്സ്പോഷറും പകർച്ചയുമാണ് കേസുകളിലെ വർദ്ധനവിന് കാരണം. മെഡിക്കൽ എപ്പിഡെമിയോളജിസ്റ്റ് ഡോ. സാറാ വിൽസൺ നിരീക്ഷിച്ചത്, പുതിയ കേസുകളുടെ നിലവിലെ വേഗത കഴിഞ്ഞ ആഴ്ചകളിലേതുപോലെ തുടരുകയാണ്, തീവ്രമായി ഉയരുകയോ കുറയുകയോ ചെയ്യുന്നില്ല. ആകെ രോഗബാധിതരിൽ, 76 പേർക്ക് ആശുപത്രിയിൽ പ്രവേശനം ആവശ്യമായി വന്നു ഇതിൽ 57 കുട്ടികളും ഉൾപ്പെടുന്നു,ഏഴുപേരെ തീവ്രപരിചരണ വിഭാഗത്തിൽ പ്രവേശിപ്പിച്ചു. ആശുപത്രിയിൽ പ്രവേശിപ്പിക്കപ്പെട്ടവരിൽ ഭൂരിഭാഗവും വാക്സിനേഷൻ എടുക്കാത്തവരായിരുന്നു.
മീസിൽസ് ഒരിക്കലും ഹാനിരഹിതമായ ഒരു അസുഖമല്ലെന്ന് ഡോ. വിൽസൺ ഊന്നിപ്പറഞ്ഞു. ന്യുമോണിയ, ബാക്ടീരിയൽ അണുബാധകൾ, സ്ഥിരമായ മസ്തിഷ്ക തകരാറിലേക്ക് നയിക്കാവുന്ന എൻസെഫലൈറ്റിസ് എന്ന അപൂർവ്വവും ഗുരുതരവുമായ സങ്കീർണ്ണത തുടങ്ങിയ അപകടസാധ്യതകൾ അവർ ചൂണ്ടിക്കാട്ടി. “ഇതെല്ലാം വാക്സിനേഷനിലൂടെ തടയാൻ കഴിയും,” അദ്ദേഹം വ്യക്തമാക്കി, ലോകത്തിലെ ഏറ്റവും അപകടകരമായ വൈറസുകളിലൊന്നിനെതിരെ പ്രതിരോധം സൃഷ്ടിക്കുന്നതിന്റെ പ്രാധാന്യം അടിവരയിട്ട് പറഞ്ഞു.
ഒന്റാറിയോ എത്ര കേസുകൾ നിലവിൽ സജീവമാണെന്നോ പകരാനുള്ള് സാധ്യതയെ പറ്റിയോ വ്യക്തമാക്കിയിട്ടില്ലെങ്കിലും, മീസിൽസ് കാനഡയിലുടനീളം ഗുരുതരമായ പൊതുജനാരോഗ്യ ആശങ്കയായി തുടരുന്നു. പനി, ചുമ, തൊലിപ്പുറത്തു വരുന്നു തിണർപ്പ് എന്നിവയോടെ ആരംഭിക്കുന്ന ഈ വൈറസ്, തിണർപ്പ് പ്രത്യക്ഷപ്പെടുന്നതിനു ചുറ്റും ഏകദേശം എട്ട് ദിവസം പകരാൻ സാധ്യതയുണ്ട്.
ഒന്റാറിയോ കൂടാതെ കാനഡയിലെ ആറ് പ്രവിശ്യകളിൽ മീസിൽസ് കേസുകൾ റിപ്പോർട്ട് ചെയ്തിട്ടുണ്ട്, ആൽബർട്ടയിൽ—മാർച്ച് മുതൽ 122 കേസുകളാണ് റിപ്പോർട്ട് ചെയ്യപ്പെട്ടിട്ടുള്ളത്. അതേസമയം,ക്യുബെക്കിൽ 32 ദിവസമായി പുതിയ മീസൽസ് രോഗബാധകൾ റിപ്പോർട്ട് ചെയ്യപ്പെടാത്ത സാഹചര്യത്തിൽ, പ്രവിശ്യാ ആരോഗ്യമന്ത്രാലയം മീസൽസ് പകർച്ചവ്യാധി അവസാനിച്ചതായി ഔദ്യോഗികമായി പ്രഖ്യാപിച്ചിരിക്കുകയാണ്
