ഈസ്റ്റർ വീക്കെൻഡ്: ഒട്ടാവയിൽ എന്തെല്ലാം സേവനങ്ങൾ പ്രവൃത്തിക്കും..??

ഒട്ടാവ : ഈസ്റ്റർ വീക്കെൻഡിന് മുന്നോടിയായി, ഒട്ടാവ നിവാസികൾക്ക് ഗുഡ് ഫ്രൈഡേ (ഏപ്രിൽ 18), ഈസ്റ്റർ സൺഡേ (ഏപ്രിൽ 20), ഈസ്റ്റർ മണ്ടേ (ഏപ്രിൽ 21) എന്നീ ദിവസങ്ങളിൽ എന്തൊക്കെ സേവനങ്ങളും സ്ഥാപനങ്ങളും ലഭ്യമാകുമെന്ന വിശദമായ വിവരങ്ങൾ ഇതാ.

ഗുഡ് ഫ്രൈഡേ (ഏപ്രിൽ 18)

ബേഷോർ, പ്ലേസ് ഡി ഓർലിയൻസ്, സിഎഫ് റിഡ്യൂ സെന്റർ, സെന്റ് ലോറൻസ്, ടാംഗർ ഔട്ട്ലെറ്റ് മാളുകൾ എന്നിവ അടച്ചിരിക്കും. മിക്ക ഗ്രോസറി സ്റ്റോറുകളും അടച്ചിരിക്കും. ചെറിയ ചില സ്റ്റോറുകൾ തുറന്നിരിക്കാം. എൽസിബിഒ, ബിയർ സ്റ്റോർ എന്നിവ അടച്ചിരിക്കും.

വീട്ടുമുറ്റത്തെ മാലിന്യ ശേഖരണം ശനിയാഴ്ചത്തേക്ക് മാറ്റിയിരിക്കുന്നു. മൾട്ടി-യൂണിറ്റ് മാലിന്യ ശേഖരണം സാധാരണ പോലെ നടക്കും.

സിറ്റി ഹാൾ, ബെൻ ഫ്രാങ്ക്ലിൻ പ്ലേസ്, 255 സെന്ട്രം ബൂലെവാർഡ്, 100 കോൺസ്റ്റലേഷൻ ഡ്രൈവ് എന്നിവിടങ്ങളിലെ നഗര സേവനങ്ങൾ ലഭ്യമല്ല. എല്ലാ ഒട്ടാവ പബ്ലിക് ലൈബ്രറി ശാഖകളും അടച്ചിരിക്കും. അടിയന്തിര കാര്യങ്ങൾക്ക് 311 കോൺടാക്ട് സെന്റർ തുറന്നിരിക്കുന്നതാണ്.

ട്രെയിൽ റോഡ് വേസ്റ്റ് ഫെസിലിറ്റി രാവിലെ 9 മുതൽ വൈകിട്ട് 5 വരെ തുറന്നിരിക്കും. സിറ്റി ചൈൽഡ് കെയർ സെന്ററുകൾ, ഡെന്റൽ ക്ലിനിക്കുകൾ, സെക്ഷ്വൽ ഹെൽത്ത് ക്ലിനിക്കുകൾ എന്നിവ അടച്ചിരിക്കും. എംപ്ലോയ്മെന്റ് ആൻഡ് സോഷ്യൽ സർവീസസ് ഓഫീസുകൾ അടച്ചിരിക്കും.

ഒസി ട്രാൻസ്പോ ഞായറാഴ്ചത്തെ ഷെഡ്യൂൾ അനുസരിച്ച് പ്രവർത്തിക്കും. റിഡ്യൂ സെന്ററിലെ ഒസി ട്രാൻസ്പോ കസ്റ്റമർ സർവീസ് ഡെസ്ക് അടച്ചിരിക്കും. പാരാ ട്രാൻസ്പോ സാധാരണ ട്രിപ്പുകളും ആവർത്തന ബുക്കിംഗുകളും റദ്ദാക്കിയിരിക്കുന്നു.

നഗരത്തിലെ പൂളുകൾ, അരീനകൾ, ഫിറ്റ്നസ് സെന്ററുകൾ എന്നിവ പരിഷ്കരിച്ച ഷെഡ്യൂളിൽ പ്രവർത്തിക്കും. മെരിഡിയൻ തിയേറ്റേഴ്സ് @ സെന്റർപോയിന്റ്, ഒട്ടാവ ആർട്ട് ഗാലറി, ഷെങ്ക്മാൻ ആർട്സ് സെന്റർ എന്നിവ അടച്ചിരിക്കും. നാഷണൽ ഗാലറി, അഗ്രികൾച്ചർ, ഏവിയേഷൻ, ഹിസ്റ്ററി, നേച്ചർ, സയൻസ്, വാർ മ്യൂസിയങ്ങൾ എന്നിവ തുറന്നിരിക്കും.

ഈസ്റ്റർ സൺഡേ (ഏപ്രിൽ 20)

എല്ലാ പ്രധാന മാളുകളും അടച്ചിരിക്കും. മിക്ക ഗ്രോസറി സ്റ്റോറുകളും അടച്ചിരിക്കും. ബിയർ സ്റ്റോറുകളും എൽസിബിഒകളും അടച്ചിരിക്കും.

നഗരത്തിലെ പൂളുകൾ, അരീനകൾ, ഫിറ്റ്നസ് സെന്ററുകൾ എന്നിവ പരിഷ്കരിച്ച ഷെഡ്യൂളിൽ പ്രവർത്തിക്കും. ഒട്ടാവ ആർട്ട് ഗാലറി, ഷെങ്ക്മാൻ ആർട്സ് സെന്റർ എന്നിവ തുറന്നിരിക്കും. മെരിഡിയൻ തിയേറ്റേഴ്സ് @ സെന്റർപോയിന്റ് അടച്ചിരിക്കും. എല്ലാ മ്യൂസിയങ്ങളും തുറന്നിരിക്കും.എല്ലാ ഒട്ടാവ പബ്ലിക് ലൈബ്രറി ശാഖകളും അടച്ചിരിക്കും. ഒസി ട്രാൻസ്പോ സാധാരണ ഞായറാഴ്ചത്തെ ഷെഡ്യൂളിൽ പ്രവർത്തിക്കും. റിഡ്യൂ സെന്ററിലെ കസ്റ്റമർ സർവീസ് ഡെസ്ക് അടച്ചിരിക്കും.

ഈസ്റ്റർ മണ്ടേ (ഏപ്രിൽ 21)

ബേഷോർ, പ്ലേസ് ഡി ഓർലിയൻസ്, റിഡ്യൂ സെന്റർ, സെന്റ് ലോറൻസ്, ടാംഗർ ഔട്ട്ലെറ്റ് മാളുകൾ എന്നിവ തുറന്നിരിക്കും. മിക്ക ഗ്രോസറി സ്റ്റോറുകളും തുറന്നിരിക്കും. ബിയർ സ്റ്റോറുകളും തിരഞ്ഞെടുത്ത എൽസിബിഒകളും തുറന്നിരിക്കും.

വീട്ടുമുറ്റത്തെ മാലിന്യ ശേഖരണവും മിക്ക മൾട്ടി-യൂണിറ്റ് മാലിന്യ ശേഖരണവും ചൊവ്വാഴ്ചത്തേക്ക് മാറ്റിയിരിക്കുന്നു. ആഴ്ചയിലെ ബാക്കി ദിവസങ്ങളിൽ എല്ലാ ശേഖരണവും ഒരു ദിവസം പിന്നോട്ട് മാറും.

സിറ്റി ഓഫീസുകൾ, ഒട്ടാവ പബ്ലിക് ലൈബ്രറി, ചൈൽഡ് കെയർ സെന്ററുകൾ, ഡെന്റൽ ക്ലിനിക്കുകൾ, സെക്ഷ്വൽ ഹെൽത്ത് ക്ലിനിക്കുകൾ എന്നിവ അടച്ചിരിക്കും. അടിയന്തിര കാര്യങ്ങൾക്ക് 311 കോൺടാക്ട് സെന്റർ തുറന്നിരിക്കും.

ഒസി ട്രാൻസ്പോ ചുരുക്കിയ വീക്ക്‌ലി ഷെഡ്യൂളിൽ പ്രവർത്തിക്കും. റിഡ്യൂ സെന്ററിലെ കസ്റ്റമർ സർവീസ് ഡെസ്ക് തുറന്നിരിക്കും. പാരാ ട്രാൻസ്പോ സാധാരണ ട്രിപ്പുകൾ റദ്ദാക്കിയിരിക്കുന്നു.

നഗരത്തിലെ പൂളുകൾ, അരീനകൾ, ഫിറ്റ്നസ് സെന്ററുകൾ എന്നിവ പരിഷ്കരിച്ച ഷെഡ്യൂളിൽ പ്രവർത്തിക്കും. മെരിഡിയൻ തിയേറ്റേഴ്സ്, ഒട്ടാവ ആർട്ട് ഗാലറി, ഷെങ്ക്മാൻ ആർട്സ് സെന്റർ എന്നിവ അടച്ചിരിക്കും. എല്ലാ മ്യൂസിയങ്ങളും തുറന്നിരിക്കും.

ഈസ്റ്റർ ആഘോഷങ്ങൾക്കിടെ സേവനങ്ങളുടെ ഷെഡ്യൂളിൽ മാറ്റങ്ങൾ വരാൻ സാധ്യതയുള്ളതിനാൽ, സന്ദർശിക്കുന്നതിന് മുമ്പ് നേരിട്ട് സ്ഥാപനങ്ങളുമായി ബന്ധപ്പെടുന്നത് നല്ലതായിരിക്കും.