ഒട്ടാവ: സിവിൽ സർവീസ് ജീവനക്കാരുടെ എണ്ണം വെട്ടിച്ചുരുക്കുന്നതിന്റെ ഭാഗമായി കനേഡിയൻ ഫെഡറൽ സർക്കാർ പ്രഖ്യാപിച്ച സ്വയംവിരമിക്കൽ ആനുകൂല്യ പദ്ധതിക്ക് (Early Retirement Incentive) വലിയ പ്രതികരണം. പദ്ധതിയിലൂടെ 9,346 സർക്കാർ ഉദ്യോഗസ്ഥരുടെ വിരമിക്കൽ അപേക്ഷകൾ ട്രഷറി ബോർഡ് ഓഫ് കാനഡ അംഗീകരിച്ചു. സാമ്പത്തിക ഭാരം കുറയ്ക്കുന്നതിനായി പ്രഖ്യാപിച്ച പദ്ധതി പ്രകാരം അപേക്ഷിച്ചവരിൽ യോഗ്യരായവർക്ക് മുഴുവൻ പെൻഷൻ ആനുകൂല്യങ്ങളോടെയും സർവീസിൽ നിന്ന് നേരത്തെ പടിയിറങ്ങാം.
ജീവനക്കാരെ പിരിച്ചുവിടാതെ, സ്വമേധയാ വിരമിക്കാൻ അവസരം നൽകിക്കൊണ്ട് തസ്തികകൾ റദ്ദാക്കുക എന്ന തന്ത്രമാണ് സർക്കാർ ഇതിനായി ഉപയോഗിക്കുന്നത്. ജൂലൈ 24 വരെ ലഭിച്ച പതിനായിരത്തിലധികം അപേക്ഷകളിൽ പരിശോധന പൂർത്തിയായവയിലാണ് ഇപ്പോൾ നടപടിയായിരിക്കുന്നത്. ചെറിയൊരു വിഭാഗം അപേക്ഷകൾ തള്ളിയപ്പോൾ പേപ്പർ അപേക്ഷകളുടെ പരിശോധന തുടരുകയാണ്. അംഗീകാരം ലഭിച്ച ജീവനക്കാർക്ക് 2027 ജനുവരി 20-നകം സർവീസിൽ നിന്ന് വിരമിക്കാം.
ALSO READ: കാനഡയിലേക്ക് പോകാൻ പ്ലാനുണ്ടോ? വിസ പ്രോസസ്സിംഗിൽ വലിയ മാറ്റങ്ങൾ, പുതിയ സമയപരിധി ഇങ്ങനെ
2029-ഓടെ ഫെഡറൽ സർവീസിൽ നിന്ന് 28,000 തസ്തികകൾ ഘട്ടംഘട്ടമായി ഇല്ലാതാക്കുക എന്ന ലക്ഷ്യത്തിന്റെ ഭാഗമായാണ് ഭരണകൂടം ഈ നീക്കം നടത്തിയത്. സാധാരണയായി പ്രായപൂർത്തിയാകുന്നതിന് മുൻപ് വിരമിക്കുമ്പോൾ ഉണ്ടാകുന്ന പെൻഷൻ തുകയിലെ കുറവ് ഒഴിവാക്കി നൽകിയതാണ് കൂടുതൽ പേരെ പദ്ധതിയിലേക്ക് ആകർഷിച്ചത്. എന്നാൽ, സുരക്ഷാ-അതിർത്തി സേനകളിലെ മുൻനിര ഉദ്യോഗസ്ഥർക്ക് ഈ പദ്ധതിയിൽ അപേക്ഷിക്കാൻ അനുമതിയുണ്ടായിരുന്നില്ല.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
