ഓട്ടവ: വൈദ്യുതാഘാതത്തിന് സാധ്യതയുണ്ടെന്ന കണ്ടെത്തലിനെത്തുടർന്ന് കാനഡയിൽ വിറ്റഴിച്ച നാലായിരത്തോളം Dunlop RigPro ഫുൾ സേഫ്റ്റി ബൂട്ടുകൾ വിപണിയിൽ നിന്ന് തിരിച്ചുവിളിക്കാൻ ഹെൽത്ത് കാനഡ നിർദ്ദേശം നൽകി. ctv-ന്യൂസ് റിപ്പോർട്ട് ചെയ്തത് പ്രകാരം കറുപ്പ്, തവിട്ട് നിറങ്ങളിലുള്ള ഈ ബൂട്ടുകൾ ആവശ്യമായ ‘Static-Dissipative’ സുരക്ഷാ സർട്ടിഫിക്കേഷൻ മാനദണ്ഡങ്ങൾ പാലിക്കുന്നില്ലെന്ന് സെപ്റ്റംബർ 4-ന് പുറത്തിറക്കിയ ഔദ്യോഗിക പത്രക്കുറിപ്പിൽ അധികൃതർ വ്യക്തമാക്കുന്നു. സുരക്ഷാ മാനദണ്ഡങ്ങൾ പാലിക്കാത്തതിനാൽ ഉപയോക്താക്കൾക്ക് വൈദ്യുതാഘാതമേൽക്കാൻ ഇടയുണ്ടെന്നത് കണക്കിലെടുത്താണ് ഈ അടിയന്തര നടപടി.
വിറ്റഴിച്ച വിവരങ്ങളും മുന്നറിയിപ്പും
നെതർലാൻഡ്സ് ആസ്ഥാനമായ Dunlop Protective Footwear നിർമ്മിച്ച ഈ ബൂട്ടുകൾ 2024 ഓഗസ്റ്റ് മുതൽ 2026 ജൂലൈ വരെയുള്ള കാലയളവിൽ 3,764 ജോഡിയാണ് കാനഡയിൽ വിറ്റഴിച്ചിട്ടുള്ളത്. റീക്കോൾ ചെയ്ത ബൂട്ടുകളുടെ ആർട്ടിക്കിൾ കോഡ് LJ2HX42.CA എന്നാണ്. ഈ ബൂട്ടുകൾ ഉപയോഗിക്കുന്നത് ഉപഭോക്താക്കൾ ഉടൻ തന്നെ നിർത്തലാക്കണമെന്നും, ഉൽപ്പന്നം വാങ്ങിയിട്ടുള്ള സ്റ്റോറുകളിൽ തിരികെ നൽകി മുഴുവൻ തുകയും കൈപ്പറ്റണമെന്നും ഹെൽത്ത് കാനഡ നിർദ്ദേശം നൽകിയിട്ടുണ്ട്.
Also Read: വോട്ടെടുപ്പ് അടുക്കവേ നിർണായക നീക്കവുമായി PQ; ക്യുബെക് റഫറണ്ടം താൽക്കാലികമായി മാറ്റിവെച്ചു
ഇപ്പോഴത്തെ അവസ്ഥയും കസ്റ്റമർ കെയർ വിവരങ്ങളും
ഓഗസ്റ്റ് 26 വരെയുള്ള കണക്കുകൾ പ്രകാരം ഈ ബൂട്ടുകൾ കാരണം നിലവിൽ അപകടങ്ങളോ പരിക്കുകളോ റിപ്പോർട്ട് ചെയ്തിട്ടില്ലെന്ന് കമ്പനി അധികൃതർ അറിയിച്ചു. ബൂട്ടുകളിൽ ‘SD’ എന്ന് അടയാളപ്പെടുത്തിയ ലോഗോ ഉള്ളവ മാത്രമാണ് ഈ റീക്കോളിൽ ഉൾപ്പെടുന്നത്. ഇത് സംബന്ധിച്ച് കൂടുതൽ വിവരങ്ങൾ ആവശ്യമുള്ളവർക്ക് info@dunlopboots.com എന്ന ഇമെയിൽ വഴിയോ Dunlop കമ്പനിയുടെ ഔദ്യോഗിക വെബ്സൈറ്റ്, കസ്റ്റമർ സേവന വിഭാഗം എന്നിവ വഴിയോ ബന്ധപ്പെടാവുന്നതാണ്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
