ചാർലറ്റ്ടൗൺ: പ്രിൻസ് എഡ്വേർഡ് ഐലൻഡിൽ പ്രമേഹം, ഹൃദയസംബന്ധമായ അസുഖങ്ങൾ തുടങ്ങിയ വിട്ടുമാറാത്ത രോഗങ്ങളെ നേരിടാൻ പ്രവിശ്യാ സർക്കാർ ‘ക്രോണിക് ഡിസീസ് ഫ്രെയിംവർക്ക്’ എന്ന പേരിൽ പുതിയ ആരോഗ്യ പദ്ധതി പ്രഖ്യാപിച്ചു. പ്രവിശ്യയിൽ ആളുകളുടെ ആയുർദൈർഘ്യം വർധിക്കുകയും പ്രായമായവരുടെ എണ്ണം കൂടുകയും ചെയ്യുന്ന സാഹചര്യത്തിലാണ് സർക്കാർ ഈ പുതിയ നീക്കം നടത്തിയിരിക്കുന്നത്. ഹൃദയസംബന്ധമായ അസുഖങ്ങൾ, കാൻസർ, ശ്വാസകോശ രോഗങ്ങൾ, പ്രമേഹം തുടങ്ങിയ രോഗങ്ങളാണ് നിലവിൽ ഇവിടെയുള്ള മരണങ്ങളിൽ ഭൂരിഭാഗത്തിനും കാരണമാകുന്നത്. ഇത്തരം രോഗങ്ങൾ നേരത്തെ തടയാനും രോഗികൾക്ക് മികച്ച ചികിത്സ ലഭ്യമാക്കാനും ലക്ഷ്യമിട്ട് സർക്കാർ, ആരോഗ്യ മേഖല, മറ്റ് സാമൂഹിക സംഘടനകൾ എന്നിവർ ഒന്നിച്ചാണ് പദ്ധതി നടപ്പിലാക്കുന്നത്.
ജനസംഖ്യാ വർധനവും ഭാവിയും
ജനസംഖ്യ വർധിക്കുന്നതിനൊപ്പം പ്രവിശ്യയിൽ വയോജനങ്ങളുടെ എണ്ണത്തിലും വലിയ ഉയർച്ച ഉണ്ടാകുമെന്നാണ് സർക്കാർ കണക്കുകൾ വ്യക്തമാക്കുന്നത്. 2024-ൽ 65 വയസ്സ് കഴിഞ്ഞവരുടെ എണ്ണം 37,000 ആയിരുന്നത് 2049 ആകുമ്പോഴേക്കും 45 ശതമാനത്തോളം വർധിച്ച് 57,500 വരെയെത്താൻ സാധ്യതയുണ്ട്. ആളുകൾ കൂടുതൽ കാലം ജീവിക്കുമ്പോൾ ഒന്നിൽ കൂടുതൽ രോഗങ്ങൾ വരാനുള്ള സാധ്യത വർധിക്കുമെന്നും, ഇത് ഭാവിയിൽ ആരോഗ്യ മേഖലയ്ക്ക് വലിയ ഭാരമാകാതിരിക്കാനാണ് ഇപ്പോഴേ പദ്ധതി തയ്യാറാക്കിയതെന്നും ആരോഗ്യ മന്ത്രി കോറി ഡീഗിളും ഹെൽത്ത് P.E.I. സി.ഇ.ഒ. ലോറേ ക്ലോഷിൻസ്കിയും വ്യക്തമാക്കി.
Also Read : 6 വർഷത്തെ ഇടവേളയ്ക്ക് വിരാമം; മാനിറ്റോബയിലെ ചർച്ചിൽ തുറമുഖത്ത് നിന്ന് വീണ്ടും ചരക്കുകപ്പലുകൾ കടലിലേക്ക്
പ്രധാന ലക്ഷ്യങ്ങൾ
2024-ൽ ആരംഭിച്ച കൂടിയാലോചനകൾക്ക് ശേഷം 60-ഓളം വിവിധ സംഘടനകളുടെയും വിദഗ്ധരുടെയും അഭിപ്രായങ്ങൾ കണക്കിലെടുത്താണ് ഈ മാസ്റ്റർ പ്ലാൻ തയ്യാറാക്കിയിരിക്കുന്നത്. പ്രധാനമായും മൂന്ന് കാര്യങ്ങളിലാണ് പദ്ധതി ശ്രദ്ധ കേന്ദ്രീകരിക്കുന്നത്. രോഗങ്ങൾ വരാതെ തടയാൻ ആരോഗ്യകരമായ ജീവിതശൈലിയെക്കുറിച്ച് ജനങ്ങളെ ബോധവൽക്കരിക്കുക, രോഗ ലക്ഷണങ്ങൾ തുടക്കത്തിലേ കണ്ടെത്തി കൃത്യമായ ചികിത്സ നൽകുക, നിലവിൽ രോഗമുള്ളവർക്ക് മികച്ച പിന്തുണ നൽകി അവരുടെ ജീവിതനിലവാരം ഉറപ്പാക്കുക.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
Putting a stop to life-threatening diseases: PEI unveils a new master plan.
