ചാർലറ്റൗൺ: പ്രിൻസ് എഡ്വേർഡ് ഐലൻഡിൽ വീടുകളിൽ നടത്തുന്ന നിയന്ത്രണമില്ലാത്ത പെറ്റ് ബ്രീഡിങ് നിരോധിക്കണമെന്ന ആവശ്യം ശക്തമാകുന്നു. വളർത്തുമൃഗങ്ങളുടെ ബ്രീഡിങ്, പരിപാലനം, വിൽപ്പന എന്നിവയ്ക്ക് വ്യക്തമായ മാനദണ്ഡങ്ങൾ വേണമെന്ന് ആവശ്യപ്പെട്ട് ‘P.E.I. CARES’ എന്ന മൃഗക്ഷേമ സംഘടന സമർപ്പിച്ച ഹർജി നിയമസഭയിൽ അവതരിപ്പിക്കും. യൂറോപ്യൻ യൂണിയൻ അടുത്തിടെ ഏകീകൃത മാനദണ്ഡങ്ങൾ നിലവിൽ കൊണ്ടുവന്ന സാഹചര്യത്തിലാണ് പി.ഇ.ഐയിലും നിയമനിർമ്മാണം നടത്തണമെന്ന് സംഘടനകൾ ആവശ്യപ്പെടുന്നത്.
നിയമങ്ങളുടെ അഭാവവും പുതിയ നിർദ്ദേശങ്ങളും
പി.ഇ.ഐയിൽ അടുത്തിടെ ഒരു വീട്ടിൽ നിന്ന് 43 നായകളെ ഒറ്റയടിക്ക് പിടിച്ചെടുത്ത സംഭവം നിലവിലുള്ള നിയമങ്ങളിലെ പോരായ്മകൾ വെളിവാക്കിയിരുന്നു. ഇതിനെ തുടർന്നാണ് ഗ്രീൻ പാർട്ടി എം.എൽ.എ പീറ്റർ ബേവൻ-ബേക്കറുമായി ചേർന്ന് പുതിയ നിയമഭേദഗതികൾ സംഘടന തയ്യാറാക്കിയത്. മൃഗങ്ങളെ വളർത്തുന്നവരുടെ നിർബന്ധിത രജിസ്ട്രേഷൻ, കൃത്യമായ ശുചിത്വ മാനദണ്ഡങ്ങൾ, സ്ഥിരമായ പരിശോധനകൾ, മൃഗങ്ങളുടെ ട്രാക്കിംഗ് സംവിധാനം, നിയമലംഘകർക്ക് ശിക്ഷ എന്നിവയാണ് മുന്നോട്ടുവെക്കുന്ന പ്രധാന ആവശ്യങ്ങൾ.
Also Read: ഒന്റാറിയോയിലെ പുതിയ ജാമ്യ നിയമത്തിന് സ്റ്റേ; ഫോർഡ് സർക്കാരിന് കോടതിയുടെ തിരിച്ചടി
പ്രതികരണങ്ങളും ഭാവി നടപടികളും
നിയന്ത്രണമില്ലാത്ത ബ്രീഡിങ് മൃഗങ്ങൾക്ക് ജനിതക രോഗങ്ങൾ ഉണ്ടാക്കുന്നതിനും സംരക്ഷണ കേന്ദ്രങ്ങളിൽ തിരക്ക് വർധിക്കുന്നതിനും കാരണമാകുന്നുവെന്ന് പി.ഇ.ഐ CARES പ്രസിഡന്റ് കാർല ഷാലി പറഞ്ഞു. പ്രവിശ്യയിലെ അംഗീകൃത മൃഗങ്ങളെ വളർത്തുന്നവരും ഈ ഹർജിയെ പിന്തുണയ്ക്കുന്നുണ്ട്. എന്നാൽ, നിയമങ്ങൾ നടപ്പാക്കുമ്പോൾ വീട്ടിൽ വളർത്തുന്ന ചെറുകിട ആളുകൾക്ക് അമിത ഭാരമാകുന്ന വ്യവസ്ഥകൾ ഒഴിവാക്കണമെന്നും മൃഗക്ഷേമ ഉദ്യോഗസ്ഥരുമായും വെറ്ററിനറി വിദഗ്ധരുമായും കൂടിയാലോചിച്ച് പ്രായോഗിക നിയമ നിർമ്മാണം നടത്തണമെന്നും ആവശ്യമുയർന്നിട്ടുണ്ട്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/BtwqAqvdF2uKsGDzfK81Nq
PEI moves to curb home-based pet breeding; petition for new legislation submitted to the Legislative Assembly.
