സസ്കാറ്റൂൺ: വേനൽക്കാലത്ത് വെള്ളത്തിന്റെയും വൈദ്യുതിയുടെയും ഉപയോഗം കുത്തനെ ഉയരുന്നതും ഉയർന്ന ബില്ലുകൾ വരുന്നതും തടയാൻ പുതിയ വഴിയൊരുക്കി സസ്കാറ്റൂൺ സിറ്റി. നഗരവാസികൾക്ക് തങ്ങളുടെ ഉപയോഗം തത്സമയം നിരീക്ഷിക്കാനും നിയന്ത്രിക്കാനും സഹായിക്കുന്ന ‘SmartUTIL’ എന്ന ഓൺലൈൻ ആപ്പാണ് ഇപ്പോൾ ശ്രദ്ധ നേടുന്നത്.
സസ്കാറ്റൂൺ സിറ്റി അവതരിപ്പിച്ചിരിക്കുന്ന ഈ സംവിധാനത്തിലൂടെ കുടിവെള്ള ഉപയോഗം ഓരോ മണിക്കൂറിലും, വൈദ്യുതി ഉപയോഗം ഓരോ 15 മിനിറ്റിലും ഉപഭോക്താക്കൾക്ക് തത്സമയം അറിയാൻ സാധിക്കും. പൈപ്പുകളിലെയും ടോയ്ലെറ്റുകളിലെയും ചെറിയ ചോർച്ചകൾ പോലും തുടക്കത്തിലേ തിരിച്ചറിയാൻ ഇത് സഹായിക്കുന്നു. വീടുകളിലോ സ്ഥാപനങ്ങളിലോ ആരും ഇല്ലാത്ത സമയത്തും വെള്ളം ചെലവാകുന്നുണ്ടെങ്കിൽ അത് ആപ്പിലൂടെ പെട്ടെന്ന് മനസ്സിലാക്കാം. കൂടാതെ, പ്രതിദിന അല്ലെങ്കിൽ പ്രതിമാസ ഉപയോഗ പരിധി മുൻകൂട്ടി നിശ്ചയിക്കാനും, ഉപയോഗം ആ പരിധി കടന്നാൽ ഉപഭോക്താവിന് ഉടൻ തന്നെ അലേർട്ട് ലഭിക്കാനുമുള്ള സൗകര്യവും ഇതിലുണ്ട്.
സസ്കാറ്റൂൺ സിറ്റിയുടെ ‘My Utility’ അക്കൗണ്ടുമായി ബന്ധിപ്പിച്ച് സൗജന്യമായി ഈ സേവനം പ്രയോജനപ്പെടുത്താം. കൂടുതൽ വിവരങ്ങൾക്കും രജിസ്ട്രേഷനുമായി saskatoon.ca/SmartUTIL സന്ദർശിക്കാവുന്നതാണ്.
Want to lower your electricity and water bills during the summer? You can use the ‘SmartUTIL’ service in Saskatoon
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
