ഫ്രെഡറിക്ടൻ: സ്കോട്ടിഷ്, കെൽറ്റിക് സംസ്കാരങ്ങളുടെ സമൃദ്ധമായ കാഴ്ചകളുമായി ന്യൂ ബ്രൺസ്വിക്ക് ഹൈലാൻഡ് ഗെയിംസ് ഫെസ്റ്റിവലിന് ഫ്രെഡറിക്ടണിൽ തുടക്കമായി. ഈ സാംസ്കാരികമേളയിൽ പങ്കെടുക്കാൻ വിവിധ പ്രദേശങ്ങളിൽ നിന്നായി നിരവധി ആളുകളാണ് എത്തിച്ചേർന്നിരിക്കുന്നത്.
കേബർ ടോസ്, സ്റ്റോൺ വെയിറ്റ് ഫോർ ഡിസ്റ്റൻസ് ആൻഡ് ഹൈറ്റ്, ഷീഫ് ടോസ് തുടങ്ങിയ പരമ്പരാഗത സ്കോട്ടിഷ് കായിക മത്സരങ്ങളാണ് മേളയിലെ പ്രധാന ആകർഷണം. ഹൈലാൻഡ് ഡാൻസിംഗ്, ബാഗ്പൈപ്പ്, ഡ്രംസ് മത്സരങ്ങൾ എന്നിവയ്ക്കൊപ്പം മേരി ഫ്രാൻസെസ് ലേഹി, ജിമ്മി റാങ്കിൻ, വിഷ്ടെൻ, ദി സ്റ്റാൻഫീൽഡ്സ്, ജോയൽ പ്ലാസ്കെറ്റ് എമർജൻസി എന്നിവരുടെ സംഗീതപരിപാടികളും ആഘോഷങ്ങൾക്ക് കൊഴുപ്പേകും. ഇതിനുപുറമേ, ഹൈലാൻഡ് നൃത്തച്ചുവടുകളും ബോധ്രാൻ വാദ്യോപകരണവും പഠിക്കാൻ പൊതുജനങ്ങൾക്കായി പ്രത്യേക വർക്ക്ഷോപ്പുകളും സംഘടിപ്പിച്ചിട്ടുണ്ട്. സ്കോട്ടിഷ് കുലപാരമ്പര്യങ്ങളെക്കുറിച്ചുള്ള ക്ലാൻ, ജീനീയോളജി ഗ്രൂപ്പുകളുടെ ക്ലാസുകളും തദ്ദേശീയ വിഭവങ്ങളും മേളയുടെ മാറ്റ് കൂട്ടുന്നു.
മാരിടൈം പ്രവിശ്യകളിൽ നിന്നുമാത്രമല്ല, കാനഡയിലെ മറ്റ് പ്രദേശങ്ങളിൽ നിന്നും നിരവധി സന്ദർശകരാണ് ഈ വാരാന്ത്യോത്സവത്തിൽ പങ്കെടുക്കാനായി എത്തിയിരിക്കുന്നത്. ഞായറാഴ്ച വൈകുന്നേരത്തോടെ ഈ വർഷത്തെ ഫെസ്റ്റിവൽ സമാപിക്കും.
Highland Games Festival in Fredericton
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
