ബെർലിൻ പ്രൈഡ് പരേഡിനിടയിൽ വാൻ ജനക്കൂട്ടത്തിലേക്ക് ഇടിച്ചുകയറി; ഒരാൾ കൊല്ലപ്പെട്ടു, നിരവധി പേർക്ക് പരിക്ക്

ബെർലിൻ: ജർമ്മനിയിലെ ബെർലിനിൽ നടന്ന എൽജിബിടിക്യൂഎസ്‌+ (LGBTQ2S+) ആഘോഷമായ ‘ക്രിസ്റ്റഫർ സ്ട്രീറ്റ് ഡേ’ (Christopher Street Day) പ്രൈഡ് പരേഡിനിടയിലേക്ക് വാഹനം ഇടിച്ചുകയറി ഒരുമരണം. നിരവധി പേർക്ക് പരിക്കേറ്റു.

ശനിയാഴ്ച നടന്ന അപകടത്തിൽ ഒരാൾ സംഭവസ്ഥലത്ത് വെച്ചുതന്നെ കൊല്ലപ്പെടുകയും 15 പേർക്ക് പരിക്കേൽക്കുകയും ചെയ്തു. പരിക്കേറ്റവരിൽ ചിലരുടെ നില ഗുരുതരമാണെന്ന് പൊലീസ് അറിയിച്ചു.

ബ്രാൻഡൻബർഗ് ഗേറ്റിന് സമീപമുള്ള ടിയാർഗാർട്ടൻ പാർക്കിലേക്ക് ഒരു വാഹനം നിയന്ത്രണം വിട്ട് ജനക്കൂട്ടത്തിലേക്ക് പാഞ്ഞുകയറുകയായിരുന്നു. ലക്ഷക്കണക്കിന് ആളുകൾ പങ്കെടുത്ത യൂറോപ്പിലെ ഏറ്റവും വലിയ പ്രൈഡ് ആഘോഷങ്ങളിലൊന്നാണിത്. അപകടത്തെ തുടർന്ന് ആഘോഷങ്ങളും സംഗീതപരിപാടികളും അടിയന്തരമായി നിർത്തിവെച്ചു. സംഭവസ്ഥലത്തുനിന്ന് ഒഴിഞ്ഞുപോകാനും പൊലീസ് ജനങ്ങളോട് ആവശ്യപ്പെട്ടു.

Van rams into crowd during Berlin Pride Parade; one killed, several injured.

കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt