ആൻഡമാൻ നിക്കോബാർ ദ്വീപുകളിലെ അതീവ നിയന്ത്രിത പ്രദേശമായ നോർത്ത് സെന്റിനൽ ദ്വീപിൽ അനധികൃതമായി പ്രവേശിച്ച 24 വയസ്സുകാരനായ അമേരിക്കൻ വിനോദസഞ്ചാരി മൈഖൈലോ വിക്ടോറോവിച്ച് പോളിയാക്കോവിനെ ഇന്ത്യൻ പൊലീസ് അറസ്റ്റ് ചെയ്തു. പുറത്തു നിന്നുള്ള രോഗങ്ങൾ എളുപ്പത്തിൽ പിടിപെടുന്ന കാരണം ഇന്ത്യൻ നിയമത്താൽ സംരക്ഷിക്കപ്പെടുന്ന സമ്പർക്കമില്ലാത്ത ഗോത്രവർഗ്ഗമായ സെന്റിനലീസുകളുടെ വാസസ്ഥലമാണ് ഈ ദ്വീപ്.
തേങ്ങയും ഡയറ്റ് കോക്ക് കാനും കൊണ്ടുപോയ പോളിയാക്കോവ്, ഗോത്രവർഗ്ഗത്തിന്റെ ശ്രദ്ധ ആകർഷിക്കുന്നതിനായി ബോട്ടിൽ നിന്ന് വിസിൽ ഊതി. അദ്ദേഹം ചുരുങ്ങിയ സമയത്തേക്ക് ദ്വീപിൽ ഇറങ്ങുകയും, ചില വസ്തുക്കൾ കാഴ്ചവയ്പ്പായി സമർപ്പിക്കുകയും, മണൽ സാമ്പിളുകൾ ശേഖരിക്കുകയും, വീഡിയോ റെക്കോർഡ് ചെയ്യുകയും ചെയ്തു. അദ്ദേഹത്തിന്റെ നിയമവിരുദ്ധമായ പ്രവേശനം ഗോപ്രോയിൽ എടുത്ത ദൃശ്യങ്ങളിലൂടെ സ്ഥിരീകരിച്ചു.
അധികാരികളുടെ അഭിപ്രായത്തിൽ ഇത് അദ്ദേഹത്തിന്റെ ആദ്യ ശ്രമമല്ല; മുമ്പ് 2024 ഒക്ടോബറിലും 2025 ജനുവരിയിലും ദ്വീപിലേക്ക് പ്രവേശിക്കാൻ അദ്ദേഹം ശ്രമിച്ചിരുന്നു. ഇത്തവണ അദ്ദേഹം തുറന്ന കടലിലൂടെ 35 കിലോമീറ്റർ യാത്ര ചെയ്യാൻ ഒരു മോട്ടോർ ബോട്ട് ഉപയോഗിച്ചു. സെന്റിനലീസുകൾ പുറത്തു നിന്നുള്ളവരോട് ശത്രുതാപരമായ പ്രതികരണങ്ങൾക്ക് പേരുകേട്ടവരാണ്, കൂടാതെ ഇന്ത്യൻ നിയമം ദ്വീപിന്റെ 5 കിലോമീറ്റർ പരിധിക്കുള്ളിൽ പ്രവേശിക്കുന്നത് കർശനമായി നിരോധിച്ചിരിക്കുന്നു.
ഇതേ തരത്തിൽ നിയമവിരുദ്ധമായി പ്രവേശിക്കാൻ ശ്രമച് 2018-ൽ അമേരിക്കൻ മിഷനറി ജോൺ ആലൻ ചൗ കൊല്ലപ്പെട്ടതിനു ശേഷം ഈ ഗോത്രവർഗ്ഗം അന്താരാഷ്ട്ര ശ്രദ്ധ നേടി. പോളിയാക്കോവിനെ സഹായിച്ച പ്രാദേശികരെക്കുറിച്ചും പൊലീസ് അന്വേഷിക്കുന്നുണ്ട്. സെന്റിനലീസുകളെയും ജാരവകളെയും പോലുള്ള തദ്ദേശീയ ഗോത്രവർഗ്ഗങ്ങളെ ഹാനികരമായ ബാഹ്യ സമ്പർക്കത്തിൽ നിന്ന് സംരക്ഷിക്കുന്നതിനെക്കുറിച്ചുള്ള തുടർച്ചയായ ആശങ്കകളെ ഈ കേസ് ഉയർത്തിക്കാട്ടുന്നു.
