ഒട്ടാവ: വിദേശ തൊഴിലാളികളെ അമിതമായി ആശ്രയിക്കുന്നുവെന്ന വിമർശനങ്ങൾ ശക്തമാകുന്നതിനിടെ, കാനഡയിലെ പ്രമുഖ കോഫി-റസ്റ്റോറന്റ് ശൃംഖലയായ ടിം ഹോർട്ടൺസ് രാജ്യത്തുടനീളം 10,000 പ്രാദേശിക തൊഴിലാളികളെ നിയമിക്കാൻ ഒരുങ്ങുന്നു. കാനഡയിൽ ബിസിനസ്സ് വ്യാപിപ്പിക്കുന്നതിന്റെ ഭാഗമായാണ് പുതിയ തൊഴിലവസരങ്ങൾ സൃഷ്ടിക്കുന്നതെന്ന് കമ്പനി ഔദ്യോഗികമായി അറിയിച്ചു. നിലവിൽ രാജ്യത്ത് നിയമപരമായി ജോലി ചെയ്യാൻ അനുമതിയുള്ള സ്വദേശികൾ, കനേഡിയൻ വിദ്യാർത്ഥികൾ, അന്തർദേശീയ വിദ്യാർത്ഥികൾ എന്നിവർക്കാണ് ഈ പദ്ധതിയിലൂടെ പ്രധാനമായും തൊഴിൽ ലഭിക്കുക.
വിദേശ തൊഴിലാളികളെ കൊണ്ടുവരുന്നതിനായി സർക്കാരിൽ സ്വാധീനം ചെലുത്തുന്നത് കമ്പനി കഴിഞ്ഞ വർഷം തന്നെ നിർത്തിയതാണെന്നും, ഇനി മുതൽ പ്രാദേശിക തൊഴിലാളികൾക്ക് ജോലി നൽകാനാണ് മുൻഗണനയെന്നും അദ്ദേഹം പറഞ്ഞു. കുറഞ്ഞ ശമ്പളത്തിൽ ആളുകളെ കിട്ടാനല്ല വിദേശ തൊഴിലാളികളെ നിയമിച്ചതെന്നും, എല്ലാ ജീവനക്കാർക്കും ഒരേ ശമ്പളമാണ് നൽകുന്നതെന്നും അദ്ദേഹം വ്യക്തമാക്കി. സാധ്യമാകുന്ന ഇടങ്ങളിലെല്ലാം പ്രാദേശിക ഉദ്യോഗാർത്ഥികളെ നിയമിക്കാനാണ് റെസ്റ്റോറന്റ് ഉടമകൾക്കും താല്പര്യമെന്ന് കമ്പനി കൂട്ടിച്ചേർത്തു.
കോവിഡ് മഹാമാരിയുടെ സമയത്തുണ്ടായ കടുത്ത തൊഴിലാളി ക്ഷാമം പരിഹരിക്കാനാണ് കമ്പനി മുൻപ് വിദേശ തൊഴിലാളികളെ കൂടുതലായി ആശ്രയിച്ചിരുന്നത്. എന്നാൽ 2024-നെ അപേക്ഷിച്ച് താൽക്കാലിക വിദേശ തൊഴിലാളി പദ്ധതിയുടെ ഉപയോഗം ഇപ്പോൾ 50 ശതമാനമായി കുറച്ചിട്ടുണ്ടെന്നും കമ്പനി അധികൃതർ ചൂണ്ടിക്കാണിക്കുന്നു. നിലവിൽ ടിം ഹോർട്ടൺസിലെ ആകെ ജീവനക്കാരിൽ നാല് ശതമാനത്തിൽ താഴെ മാത്രമാണ് ഈ പദ്ധതി വഴി വന്നവരെന്നും, കമ്പനി വിദേശികളെ മാത്രമാണ് നിയമിക്കുന്നതെന്ന പ്രചാരണം തെറ്റിദ്ധാരണ മൂലമാണെന്നും വക്താവ് വിശദീകരിച്ചു.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Tim Hortons cuts foreign employment in Canada by half; now prioritizes local workers
