രാജ്യത്ത് ഏറ്റവും കൂടുതൽ ജനപ്രീതിയുള്ള ഇന്ത്യൻ നായകന്മാരുടെ ഏറ്റവും പുതിയ പട്ടിക പ്രമുഖ മീഡിയ റിസർച്ച് സ്ഥാപനമായ ഓർമാക്സ് മീഡിയ പുറത്തുവിട്ടു. ഏപ്രിൽ മാസത്തെ പ്രേക്ഷക സ്വീകാര്യതയും സോഷ്യൽ മീഡിയ ട്രെൻഡുകളും അടിസ്ഥാനമാക്കി തയ്യാറാക്കിയ പട്ടികയിൽ പാൻ ഇന്ത്യൻ താരം പ്രഭാസാണ് ഒന്നാം സ്ഥാനം നിലനിർത്തിയത്. ‘കൽക്കി’, വരാനിരിക്കുന്ന ‘സ്പിരിറ്റ്’ തുടങ്ങിയ വൻകിട പ്രോജക്റ്റുകളിലൂടെ നിരന്തരം വാർത്തകളിൽ നിറഞ്ഞുനിൽക്കാൻ സാധിച്ചതാണ് പ്രഭാസിന് ഒന്നാം സ്ഥാനം നിലനിർത്താൻ തുണയായത്. ബോളിവുഡ് ബാദ്ഷാ ഷാരൂഖ് ഖാനാണ് പട്ടികയിൽ രണ്ടാം സ്ഥാനത്ത്.
തെന്നിന്ത്യൻ സിനിമാ ലോകത്തെയും ആരാധകരെയും ഒരേപോലെ അമ്പരപ്പിച്ചുകൊണ്ട് തമിഴ് സൂപ്പർതാരം വിജയ് പട്ടികയിൽ നാലാം സ്ഥാനത്തേക്ക് പിന്തള്ളപ്പെട്ടു എന്നതാണ് പുതിയ റാങ്കിംഗിലെ പ്രധാന സവിശേഷത. രാഷ്ട്രീയ പ്രവേശനത്തിനും തമിഴ്നാട്ടിലെ രാഷ്ട്രീയ നീക്കങ്ങൾക്കും ശേഷവും വിജയ്യുടെ ജനപ്രീതിയിൽ നേരിയ ഇടിവുണ്ടായതായാണ് വിലയിരുത്തൽ. ‘ജനനായകൻ’ എന്ന വരാനിരിക്കുന്ന ചിത്രത്തിന്റെ അപ്ഡേറ്റുകൾ സജീവമാണെങ്കിലും മൂന്നാം സ്ഥാനത്തുള്ള അല്ലു അർജുന് പിന്നിലായാണ് വിജയ് ഇടംപിടിച്ചത്. അഞ്ചാം സ്ഥാനത്ത് തെലുങ്ക് താരം മഹേഷ് ബാബുവാണ്.
‘ധുരന്ദർ’ എന്ന ചിത്രത്തിന്റെ വമ്പൻ വിജയത്തോടെ ബോളിവുഡ് താരം രൺവീർ സിംഗ് ആറാം സ്ഥാനത്തെത്തി കരുത്തു തെളിയിച്ചു. ആഗോളതലത്തിൽ ശ്രദ്ധനേടിയ ആർആർആർ താരം രാം ചരൺ ഏഴാമതും, ബോളിവുഡ് സുപ്പർതാരം സൽമാൻ ഖാൻ എട്ടാമതുമാണ്. അക്ഷയ് കുമാർ ഒൻപതാം സ്ഥാനം സ്വന്തമാക്കിയപ്പോൾ ജൂനിയർ എൻടിആർ ആണ് ആദ്യ പത്തിലെ അവസാന താരം. പാൻ ഇന്ത്യൻ ചിത്രങ്ങളുടെ വലിയ സ്വീകാര്യതയും മറുഭാഷകളിൽ നേടുന്ന വൻ കളക്ഷൻ കുതിപ്പും കാരണം ഇന്ത്യൻ സിനിമാ ലോകത്ത് തെന്നിന്ത്യൻ താരങ്ങളുടെ വ്യക്തമായ ആധിപത്യമാണ് പട്ടിക അടിവരയിടുന്നത്.
Vijay loses his position despite becoming Chief Minister; Prabhas’s rise leaves superstars behind, Ormax list out!
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
