ന്യൂ ബ്രൺസ്വിക്ക്: ഓൺലൈൻ പ്ലാറ്റ്ഫോമുകൾ വഴി സാധനങ്ങൾ വിൽക്കുന്നവരെ ലക്ഷ്യമിട്ട് കള്ളനോട്ട് സംഘങ്ങൾ സജീവമാകുന്നതായി ന്യൂ ബ്രൺസ്വിക്ക് പോലീസ് മുന്നറിയിപ്പ് നൽകി. നേരിട്ട് കണ്ട് സാധനങ്ങൾ കൈമാറുന്ന സമയത്ത് വ്യാജ കറൻസി നൽകി പറ്റിക്കുന്ന രീതിയാണ് ഇവർ പ്രയോഗിക്കുന്നത്. കിജിജി (Kijiji) പോലുള്ള പ്രമുഖ ഓൺലൈൻ മാർക്കറ്റ്പ്ലേസുകൾ വഴി സാധനങ്ങൾ വിറ്റവർക്ക് ഇത്തരത്തിൽ വലിയ തോതിൽ കള്ളനോട്ടുകൾ ലഭിച്ചതായി റോയൽ കനേഡിയൻ മൗണ്ടഡ് പോലീസ് (RCMP) സ്ഥിരീകരിച്ചു.
ഇത്തരം തട്ടിപ്പുകളിൽ വീഴാതിരിക്കാൻ പണം കൈപ്പറ്റുമ്പോൾ നോട്ടുകളിലെ സുരക്ഷാ ഫീച്ചറുകൾ, ഉയർന്നു നിൽക്കുന്ന മഷി (raised ink), ഹോളോഗ്രാമുകൾഎന്നിവ ശ്രദ്ധയോടെ പരിശോധിക്കാൻ പോലീസ് ആവശ്യപ്പെടുന്നു. കള്ളനോട്ട് തട്ടിപ്പുകൾ പൂർണ്ണമായി ഒഴിവാക്കാൻ സാധ്യമാകുന്നിടത്തൊക്കെ ഡിജിറ്റൽ പേയ്മെന്റുകളോ ബാങ്ക് ട്രാൻസ്ഫർ രീതികളോ തിരഞ്ഞെടുക്കുന്നതാണ് കൂടുതൽ സുരക്ഷിതം. ഇടപാടുകാരന്റെ പെരുമാറ്റത്തിലോ കൈമാറുന്ന പണത്തിലോ എന്തെങ്കിലും തരത്തിലുള്ള സംശയം തോന്നിയാൽ ഒട്ടും മടിക്കാതെ ആ ഡീൽ അപ്പോൾ തന്നെ റദ്ദാക്കണമെന്നും പോലീസ് ഓർമ്മിപ്പിക്കുന്നു.
നിങ്ങൾക്ക് ലഭിച്ച പണം വ്യാജമാണെന്ന് നേരിയ സംശയം തോന്നിയാൽ പോലും ഉടൻ തന്നെ പ്രാദേശിക പോലീസിൽ വിവരമറിയിക്കണം. ഒപ്പം സംശയാസ്പദമായ വ്യക്തിയെക്കുറിച്ചുള്ള അടയാളങ്ങളും വാഹന നമ്പറോ മറ്റ് സാഹചര്യങ്ങളോ ഓർത്തു വെച്ച് പോലീസിന് കൈമാറണമെന്നും ആർ.സി.എം.പി (RCMP) ജനങ്ങളോട് അഭ്യർത്ഥിച്ചു.
N.B. police issue warning about use of counterfeit money during online transactions
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
