ഗാസാ സ്ട്രിപ്പിൽ ധാരാളം ഭക്ഷണം ലഭ്യമാണെന്ന ഇസ്രായേലിന്റെ അവകാശവാദം പരിഹാസകരമെന്ന് പറഞ്ഞ് ഐക്യരാഷ്ട്രസഭ തള്ളിക്കളഞ്ഞു. ലോക ഭക്ഷ്യ പദ്ധതി (WFP) പിന്തുണയ്ക്കുന്ന ഗാസയിലെ എല്ലാ 25 ബേക്കറികളും അടച്ചിട്ടിരിക്കുന്ന പശ്ചാത്തലത്തിലാണ് ഈ വാദപ്രതിവാദം. മാർച്ച് 2 മുതൽ ഗാസയിലേക്ക് യാതൊരു സഹായവും എത്തിച്ചിട്ടില്ല. ഹമാസ് എല്ലാ ബന്ദികളെയും വിട്ടയയ്ക്കുന്നത് വരെ ഗാസയിലേക്ക് എല്ലാ ചരക്കുകളും വിതരണങ്ങളും പ്രവേശിക്കാൻ അനുവദിക്കില്ലെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ഓഫീസ് വ്യക്തമാക്കിയിട്ടുണ്ട്.
മാർച്ച് മാസത്തിന്റെ അവസാന ഭാഗത്ത്, രണ്ട് മാസത്തെ വെടിനിർത്തലിനു ശേഷം ഇസ്രായേൽ ഗാസയിലെ ബോംബാർഡ്മെന്റ് പുനരാരംഭിച്ചു. COGAT എന്ന ഇസ്രായേലി സൈനിക ഏജൻസി, സഹായവിതരണം ഏകോപിപ്പിക്കുന്നത്, ചൊവ്വാഴ്ച ‘X’ പ്ലാറ്റ്ഫോമിൽ പ്രസിദ്ധീകരിച്ച പോസ്റ്റിൽ വെടിനിർത്തലിനിടെ ഏകദേശം 25,200 ട്രക്കുകൾ ഗാസയിലേക്ക് പ്രവേശിച്ചതായും, ഏകദേശം 450,000 ടൺ സഹായം എത്തിച്ചതായും അവകാശപ്പെട്ടു. “ഹമാസ് സിവിലിയന്മാർക്ക് നൽകാൻ തയ്യാറാണെങ്കിൽ, ദീർഘകാലത്തേക്ക് ആവശ്യമായത്ര ഭക്ഷണമുണ്ട്” എന്നാണ് COGAT പറഞ്ഞത്.
എന്നാൽ, മാധ്യമങ്ങൾ ഐക്യരാഷ്ട്രസഭയുടെ വക്താവായ സ്റ്റെഫാൻ ദുജാറിക്നോട് ഈ പ്രസ്താവനയെക്കുറിച്ച് ചോദിച്ചപ്പോൾ ഐക്യരാഷ്ട്രസഭയെ സംബന്ധിച്ചിടത്തോളം അത് പരിഹാസകരമാണ് എന്നാണ് പറഞ്ഞത്. അദ്ദേഹം കൂട്ടിച്ചേർത്തു: “നിങ്ങൾക്കറിയാം, WFP അതിന്റെ ബേക്കറികൾ വെറുതെ അടയ്ക്കുന്നില്ല. മാവില്ലെങ്കിൽ, പാചക വാതകമില്ലെങ്കിൽ, ബേക്കറികൾക്ക് തുറക്കാൻ കഴിയില്ല.” മാത്രമല്ല, രണ്ട് മാസത്തെ വെടിനിർത്തലിന് മുമ്പ്, നവംബറിൽ ആഗോള ഭക്ഷ്യ സുരക്ഷാ വിദഗ്ധർ വടക്കൻ ഗാസയിലെ പ്രദേശങ്ങളിൽ ഭക്ഷണത്തിന് ക്ഷാമമാണെന്ന് മുന്നറിയിപ്പ് നൽകിയിരുന്നു. യുദ്ധം മൂലം, ഗാസയിലെ ഐക്യരാഷ്ട്രസഭയുടെ മാനുഷിക പ്രവർത്തനങ്ങൾ പല തടസ്സങ്ങളെയും നേരിടുന്നുണ്ട് – ഇസ്രായേലിന്റെ സൈനിക ഓപ്പറേഷനുകൾ, ഗാസയിലേക്കും അതിനുള്ളിലും ഇസ്രായേൽ ഏർപ്പെടുത്തിയിട്ടുള്ള പ്രവേശന നിയന്ത്രണങ്ങൾ, സായുധ സംഘങ്ങളുടെ കൊള്ള എന്നിവയെല്ലാം ഉൾപ്പെടുന്നു.
50,000-ലധികം പാലസ്തീനികൾ കൊല്ലപ്പെട്ടതായി പാലസ്തീനിയൻ ആരോഗ്യ അധികാരികൾ റിപ്പോർട്ട് ചെയ്യുമ്പോൾ, ഗാസ വളരെ അധികം ഭക്ഷ്യക്ഷാമത്തിൽ എത്തിയിരിക്കുന്നുവെന്ന് ഹമാസ് പറയുന്നു. “ആധുനിക ചരിത്രത്തിലെ ഏറ്റവും മോശം മാനുഷിക പ്രതിസന്ധികളിൽ ഒന്ന്” എന്നാണ് ഇതിനെ ഹമാസ് വിശേഷിപ്പിച്ചത്. “ഇപ്പോൾ സംഭവിച്ചു കൊണ്ടിരിക്കുന്ന ദാരുണ സംഭവങ്ങൾക്ക് ഉത്തരവാദി ഇസ്രായേൽ ആണെന് ഹമാസ് പറഞ്ഞു”
