ഒട്ടാവ/ന്യൂഡൽഹി: ഇന്ത്യയും കാനഡയും തമ്മിലുള്ള നയതന്ത്ര ബന്ധം പുതിയ വഴിത്തിരിവിലേക്ക്. വിദ്യാഭ്യാസ-തൊഴിൽ മേഖലകളിൽ പുതിയൊരു യുഗത്തിന് തുടക്കമാകുന്നു. ഇരുരാജ്യങ്ങളും സംയുക്തമായി ആഗോള പ്രതിഭകളെ വാർത്തെടുക്കുന്നതിനായുള്ള ‘സ്മാർട്ട് പാർട്ണർഷിപ്പ്’ എന്ന ലക്ഷ്യത്തിലേക്കാണ് ഇപ്പോൾ നീങ്ങുന്നത്. കേവലം കുടിയേറ്റം എന്നതിലുപരി രണ്ട് രാജ്യങ്ങളുടെയും സാമ്പത്തിക വളർച്ചയ്ക്ക് മുതൽക്കൂട്ടാകുന്ന പ്രൊഫഷണലുകളെ സൃഷ്ടിക്കുക എന്നതാണ് ഈ നീക്കത്തിന് പിന്നിലെ പ്രധാന ലക്ഷ്യം.
ഇന്ത്യൻ വിദ്യാർത്ഥികളുടെ പ്രിയപ്പെട്ട പഠനകേന്ദ്രമെന്ന നിലയിൽ കാനഡയിലെ വിദ്യാഭ്യാസ അവസരങ്ങൾ കൂടുതൽ കാര്യക്ഷമമാക്കും. അതോടൊപ്പം കാനഡയിലെ തൊഴിൽ വിപണിക്ക് അനുയോജ്യമായ രീതിയിൽ ഇന്ത്യൻ യുവാക്കളുടെ നൈപുണ്യ വികസനത്തിന് പ്രത്യേക ഊന്നൽ നൽകും. ആർട്ടിഫിഷ്യൽ ഇന്റലിജൻസ്, ക്ലീൻ എനർജി തുടങ്ങിയ അത്യാധുനിക മേഖലകളിൽ സംയുക്ത ഗവേഷണങ്ങൾക്കും പദ്ധതികൾക്കും ഈ പങ്കാളിത്തം വഴിയൊരുക്കും.
കാനഡ നേരിടുന്ന തൊഴിലാളി ക്ഷാമം പരിഹരിക്കുന്നതിനും ഇന്ത്യയിലെ യുവജനങ്ങൾക്ക് ആഗോള നിലവാരത്തിലുള്ള തൊഴിലവസരങ്ങൾ ലഭ്യമാക്കുന്നതിനും ഈ സഹകരണം ഏറെ ഗുണകരമാകും. രാഷ്ട്രീയ തലത്തിലുള്ള തർക്കങ്ങൾക്കിടയിലും ജനങ്ങൾ തമ്മിലുള്ള ബന്ധവും സാമ്പത്തിക സഹകരണവും കൂടുതൽ കരുത്തുറ്റതാക്കാൻ ഈ പുതിയ സ്മാർട്ട് പാർട്ണർഷിപ്പ് സഹായിക്കുമെന്നാണ് വിലയിരുത്തപ്പെടുന്നത്
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
India and Canada Building a smarter partnership for global talent
