കാൽഗറി: കാൽഗറിയിൽ നടന്ന വർണ്ണാഭമായ സംഗീത പരിപാടിക്കിടെ ഖലിസ്ഥാൻ പതാക ഉയർത്തി തടസ്സം സൃഷ്ടിക്കാൻ ശ്രമിച്ചവർക്ക് ഗായകൻ ദിൽജിത് ദോസഞ്ച് വേദിയിൽ വെച്ച് തന്നെ ശക്തമായ മറുപടി നൽകി. ഗായകൻ തനതായ വേഷമണിഞ്ഞ് ആയിരക്കണക്കിന് ആരാധകരെ പാട്ടിലൂടെ ആവേശം കൊള്ളിക്കുന്നതിനിടെയാണ് സദസ്സിലെ ചിലർ ഇന്ത്യയിൽ നിരോധിക്കപ്പെട്ട സംഘടനകളുടെ പതാകകളുമായി എത്തിയത്. ഇത് ശ്രദ്ധയിൽപ്പെട്ട ഉടൻ തന്നെ ദിൽജിത് പാട്ട് നിർത്തി മൈക്രോഫോണിലൂടെ അവരോട് അവിടെയുള്ള ശല്യം അവസാനിപ്പിക്കാനും ഈ പ്രവണത വേണ്ടെന്നും കർശനമായി ആവശ്യപ്പെടുകയായിരുന്നു.
ദിൽജിത് ദോസഞ്ചിന്റെ സംഗീത നിശകളിൽ മുൻപും ഖലിസ്ഥാൻ അനുകൂലികൾ ഇത്തരത്തിൽ നുഴഞ്ഞുകയറാൻ ശ്രമിച്ചിട്ടുണ്ട്. സംഗീതത്തെയും കലാകാരന്മാരെയും രാഷ്ട്രീയ ലക്ഷ്യങ്ങൾക്കായി ഉപയോഗിക്കുന്നതിനോട് താരം കാണിച്ച ഈ ധീരമായ നിലപാടിന് വലിയ പിന്തുണയാണ് സോഷ്യൽ മീഡിയയിൽ ലഭിക്കുന്നത്.
കഴിഞ്ഞ ദിവസം കനേഡിയൻ സെക്യൂരിറ്റി ഇന്റലിജൻസ് സർവീസ് പുറത്തുവിട്ട റിപ്പോർട്ടിൽ കാനഡ കേന്ദ്രീകരിച്ച് പ്രവർത്തിക്കുന്ന ഖലിസ്ഥാൻ തീവ്രവാദികൾ ആഗോള സുരക്ഷയ്ക്ക് ഭീഷണിയാണെന്നും കനേഡിയൻ സ്ഥാപനങ്ങൾ ദുരുപയോഗം ചെയ്ത് ഇവർ ഫണ്ട് ശേഖരിക്കുന്നുണ്ടെന്നും വ്യക്തമാക്കിയിരുന്നു. ഈ പശ്ചാത്തലത്തിൽ ദിൽജിത്തിന്റെ നടപടി ഏറെ പ്രാധാന്യമർഹിക്കുന്നു. ഖലിസ്ഥാൻ വിഷയത്തിൽ ഇന്ത്യയും കാനഡയും തമ്മിലുള്ള നയതന്ത്ര ബന്ധം വഷളായി .തുടരുന്നതിനിടയിലാണ് കാൽഗറിയിൽ ഇത്തരമൊരു സംഭവം അരങ്ങേറിയത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Diljit Dosanjh Asks Pro-Khalistanis Waving Flag At Canada Concert To Leave
