റെജീന : സസ്കച്ചവാൻ പ്രീമിയർ സ്കോട്ട് മോ, യു.എസ്. പ്രസിഡന്റ് ഡൊണാൾഡ് ട്രംപ് ബ്രിഡ്ജർ പൈപ്പ്ലൈൻ പദ്ധതിക്ക് അനുമതി നൽകിയതിനെ സ്വാഗതം ചെയ്തു. യു.എസ്. കമ്പനിയായ ബ്രിഡ്ജർ പൈപ്പ്ലൈൻ മുന്നോട്ടുവെച്ച പദ്ധതി, കാനഡയിലെ അസംസ്കൃത എണ്ണ മോണ്ടാനയിലെ ഫിലിപ്സ് കൗണ്ടിയിൽ നിന്ന് വ്യോമിംഗിലെ ഗ്വേൺസിയിലേക്ക് കൊണ്ടുപോകുന്നതിനാണ്. 1,038 കിലോമീറ്റർ ദൈർഘ്യമുള്ള പൈപ്പ്ലൈൻ പദ്ധതിയെ സസ്കച്ചവാൻ പ്രീമിയർ സ്കോട്ട് മോ പോസിറ്റീവായ കാര്യമായാണ് വിലയിരുത്തിയത്. അമേരിക്കയുമായുള്ള സമീപകാല ബന്ധത്തിൽ ഇതൊരു നല്ല കാര്യമാണെന്ന് അദ്ദേഹം പ്രിൻസ് ആൽബർറ്റിൽ മാധ്യമങ്ങളോട് വ്യക്തമാക്കി.
റദ്ദാക്കപ്പെട്ട കീസ്റ്റോൺ എക്സ്എൽ പൈപ്പ്ലൈൻ പദ്ധതിക്ക് പിന്നിലുണ്ടായിരുന്ന കനേഡിയൻ കമ്പനിയായ സൗത്ത് ബോ, ബ്രിഡ്ജറുമായി സഹകരിക്കുന്നുണ്ട്. ആൽബെർട്ട, സസ്കച്ചവാൻ എന്നിവിടങ്ങളിൽ കീസ്റ്റോൺ എക്സ്എല്ലിനായി നിർമ്മിച്ച പൈപ്പ്ലൈനിന്റെ ഭാഗങ്ങൾ പുനരുജ്ജീവിപ്പിക്കുന്ന കാര്യം സൗത്ത് ബോ പരിഗണിക്കുന്നുണ്ടെന്ന് കമ്പനി വക്താവ് സൊളോമിയ മാർടോയു വ്യാഴാഴ്ച ഇമെയിൽ വഴി അറിയിച്ചു. എന്നിരുന്നാലും, ഈ ‘പ്രെയറി കണക്റ്റർ’ പദ്ധതി പ്രാരംഭ ഘട്ടത്തിലാണെന്നും വാണിജ്യ-പങ്കാളിത്ത ചർച്ചകൾക്കും നിയന്ത്രണ പ്രക്രിയകൾക്കും വിധേയമാണെന്നും അവർ വ്യക്തമാക്കി.
അതേസമയം, ഈ അനുമതിയുടെ യഥാർത്ഥ അർത്ഥത്തെക്കുറിച്ച് ശ്രദ്ധാലുക്കളായിരിക്കണമെന്ന് ആൽബെർട്ട പെട്രോളിയം മാർക്കറ്റിംഗ് കമ്മീഷൻ മുൻ സിഇഒ റിച്ചാർഡ് മാസൺ മുന്നറിയിപ്പ് നൽകി. ഇത് ക്രോസ്-ബോർഡർ എണ്ണ പൈപ്പ്ലൈൻ പ്രവർത്തിക്കാൻ അനുവദിക്കുന്ന പ്രസിഡൻഷ്യൽ പെർമിറ്റ് മാത്രമാണെന്നും നിർമ്മാണത്തിന് മറ്റ് അനുമതികൾ ആവശ്യമാണെന്നും അദ്ദേഹം വ്യക്തമാക്കി.
തിരഞ്ഞെടുപ്പിന് ശേഷം വരുന്ന ഭരണാധികാരികൾക്ക് ഈ അനുമതി എളുപ്പത്തിൽ റദ്ദാക്കാൻ കഴിയുമെന്നും അദ്ദേഹം കൂട്ടിച്ചേർത്തു. പുതിയ പൈപ്പ്ലൈൻ ഇൻഫ്രാസ്ട്രക്ചറിലെ നിക്ഷേപം വലിയ അപകടസാധ്യതയുള്ളതാണെന്നും മക്ഗിൽ സർവകലാശാലയിലെ അസിസ്റ്റന്റ് പ്രൊഫസർ ആമി ജാൻസ്വുഡ് വ്യക്തമാക്കി. ആവശ്യമായ എണ്ണ ഉത്പാദകരുടെ പിന്തുണയും സമയപരിധിയും രാഷ്ട്രീയ അപകടസാധ്യതകളും പരിഗണിക്കേണ്ടതുണ്ടെന്ന് അവർ വ്യക്തമാക്കി.
Presidential permit for Bridger Pipeline project; Experts say this is just the first step
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
