മോങ്ക്ടൺ : ന്യൂ ബ്രൺസ്വിക്ക് പ്രവിശ്യയിലെ ചില ഭാഗങ്ങളിൽ അടുത്ത ദിവസങ്ങളിൽ കനത്ത മഴയ്ക്ക് സാധ്യതയുള്ളതായി എൻവയോൺമെന്റ് കാനഡ അറിയിച്ചു. സെന്റ് ജോൺ മേഖല, ഷാർലറ്റ് കൗണ്ടിയുടെ തീരപ്രദേശങ്ങൾ, ഫണ്ടി നാഷണൽ പാർക്ക് എന്നിവിടങ്ങളിൽ വ്യാഴാഴ്ച രാത്രിയോടെ മഴ ശക്തമാകുമെന്നാണ് മുന്നറിയിപ്പ്. ഈ പ്രദേശങ്ങളിൽ വ്യാഴാഴ്ച രാത്രിയും വെള്ളിയാഴ്ചയുമായി 50 മില്ലിമീറ്റർ വരെ മഴ ലഭിക്കാനും ഇടിമിന്നലിനും സാധ്യതയുണ്ട്. കൂടാതെ അക്കാഡിയൻ പെനിൻസുലയിൽ വെള്ളിയാഴ്ച മുതൽ ശനിയാഴ്ച വരെ 50 മില്ലിമീറ്റർ വരെ മഴ പെയ്യാനും സാധ്യതയുണ്ട്.
ഫ്രെഡറിക്ടൺ, തെക്കൻ യോർക്ക് കൗണ്ടി, ഒറോമോക്ടോ, ഗ്രാൻഡ് ലേക്ക്, സൺബറി, ക്വീൻസ്, കിംഗ്സ് കൗണ്ടികൾ, സസെക്സ്, കെന്നെബെകാസിസ് താഴ്വര എന്നിവിടങ്ങളിൽ വെള്ളിയാഴ്ച ഉച്ചവരെ 20 മുതൽ 40 മില്ലിമീറ്റർ വരെ മഴ ലഭിക്കുമെന്ന് എൻവയോൺമെന്റ് കാനഡയുടെ പ്രത്യേക കാലാവസ്ഥാ പ്രസ്താവനയിൽ വ്യക്തമാക്കുന്നു. താഴ്ന്ന പ്രദേശങ്ങളിൽ വെള്ളപ്പൊക്കത്തിന് സാധ്യതയുള്ളതിനാൽ ഡ്രെയിനേജ് സംവിധാനങ്ങൾ വൃത്തിയായി സൂക്ഷിക്കാൻ അധികൃതർ നിർദ്ദേശിച്ചു. ലോവർ സെന്റ് ജോൺ നദിയിലെ ചില ഭാഗങ്ങൾ വെള്ളപ്പൊക്ക നിലവാരത്തിലേക്ക് അടുക്കുകയാണെന്നും, ഗാജ്ടൗണിൽ വ്യാഴാഴ്ച മുന്നറിയിപ്പ് നിലവിലുണ്ടെന്നും റിവർ വാച്ച് അറിയിച്ചു. മുന്നറിയിപ്പ് നിലനിൽക്കുന്ന സാഹചര്യത്തിൽ ജീവനും സ്വത്തിനും സംരക്ഷണം നൽകാൻ ജനങ്ങൾ അടിയന്തര നടപടികൾ സ്വീകരിക്കണമെന്നും റിവർ വാച്ച് വ്യക്തമാക്കിയിട്ടുണ്ട്.
Heavy rain possible in parts of New Brunswick province; warning issued
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
