ടംബ്ലർ റിഡ്ജ്: ടംബ്ലർ റിഡ്ജിൽ നടന്നകൂട്ടവെടിവെപ്പുമായി ബന്ധപ്പെട്ട് പ്രമുഖ ആർട്ടിഫിഷ്യൽ ഇന്റലിജൻസ് കമ്പനിയായ OpenAI-ക്കും അതിന്റെ സ്ഥാപകൻ സാം ആൾട്ട്മാനും എതിരെ നിയമനടപടികൾ കടുക്കുന്നു. ഈ സംഭവത്തിൽ ഇരകളായവരുടെ കുടുംബങ്ങൾ 1ബില്യൺ യുഎസ് ഡോളറിലധികം നഷ്ടപരിഹാരം ആവശ്യപ്പെട്ട് കോടതിയെ സമീപിക്കാനൊരുങ്ങുകയാണെന്ന് അവരുടെ അഭിഭാഷകൻ അറിയിച്ചു. വെടിവെപ്പ് നടത്തിയ പ്രതിയുടെ അപകടകരമായ ഓൺലൈൻ ഇടപെടലുകൾ നേരത്തെ തിരിച്ചറിഞ്ഞിട്ടും അത് അധികൃതരെ അറിയിക്കുന്നതിൽ കമ്പനി പരാജയപ്പെട്ടുവെന്നാണ് പ്രധാന ആരോപണം.
വെടിവെപ്പ് നടത്തുന്നതിന് മാസങ്ങൾക്ക് മുൻപ് തന്നെ പ്രതി ജെസ്സി വാൻ റൂട്ട്സെലാറുടെ അക്കൗണ്ട് ചാറ്റ് ജിപിടിയിൽ നിന്ന് നിരോധിച്ചിരുന്നു. എന്നാൽ ഇത്തരമൊരു ഭീഷണി നിലനിൽക്കുന്നുണ്ടെന്ന വിവരം പൊലീസിനെ അറിയിക്കാതിരുന്നത് വലിയ വീഴ്ചയാണെന്ന് ചൂണ്ടിക്കാണിക്കപ്പെടുന്നു. കഴിഞ്ഞ ആഴ്ച സാം ആൾട്ട്മാൻ ഈ സംഭവത്തിൽ ഖേദം പ്രകടിപ്പിച്ച് കത്ത് നൽകിയിരുന്നെങ്കിലും, ഇരകളുടെ കുടുംബങ്ങൾ അത് തള്ളിക്കളഞ്ഞു. ഈ മാപ്പപേക്ഷ ആത്മാവില്ലാത്തതാണെന്നും കേവലം ഒരു മെഷീൻ തയ്യാറാക്കിയതാണെന്നും അവർ വിമർശിച്ചു.
ലാഭം വർദ്ധിപ്പിക്കുന്നതിനായി സുരക്ഷാ മാനദണ്ഡങ്ങളിൽ കമ്പനി വിട്ടുവീഴ്ച ചെയ്തതാണ് ഇത്തരം ദുരന്തങ്ങൾക്ക് വഴിവെക്കുന്നതെന്ന് ഹർജിയിൽ ആരോപിക്കുന്നുണ്ട്. കാനഡയിലെ കോടതികളിൽ നഷ്ടപരിഹാര തുകയ്ക്ക് പരിധിയുള്ളതിനാലാണ് കേസ് കാലിഫോർണിയയിലെ കോടതിയിൽ ഫയൽ ചെയ്തിരിക്കുന്നത്. എട്ടുപേരുടെ ജീവൻ നഷ്ടപ്പെട്ട ഈ സംഭവത്തിൽ 12 വയസ്സുള്ള കുട്ടികൾക്കും ഗുരുതരമായി പരിക്കേറ്റിരുന്നു. വരും ദിവസങ്ങളിൽ ഈ കേസിൽ കൂടുതൽ നിർണ്ണായകമായ വെളിപ്പെടുത്തലുകൾ ഉണ്ടാകുമെന്നാണ് റിപ്പോർട്ടുകൾ സൂചിപ്പിക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Tumbler Ridge families likely to seek US$1 billion in OpenAI lawsuit
