ക്യുബെക്ക്: ക്യുബെക്ക് പ്രീമിയർ ക്രിസ്റ്റീൻ ഫ്രഷെറ്റ് തന്റെ പുതിയ മന്ത്രിസഭയെ ചൊവ്വാഴ്ച പ്രഖ്യാപിക്കും. കോയലിഷൻ ആവനീർ ക്യുബെക്ക് (CAQ) നേതൃസ്ഥാനത്തേക്ക് നടന്ന മത്സരത്തിൽ ഏപ്രിൽ 12-ന് വിജയിച്ച ഫ്രഷെറ്റിന്, തന്റെ സംഘത്തെ തിരഞ്ഞെടുക്കാൻ ഒരാഴ്ചയിലധികം സമയമാണ് ലഭിച്ചത്. പുതിയ മന്ത്രിസഭയിൽ പരിചയസമ്പന്നരും പുതുമുഖങ്ങളും ഉൾപ്പെടുമെന്ന് റേഡിയോ-കാനഡയ്ക്ക് നൽകിയ അഭിമുഖത്തിൽ അവർ സൂചിപ്പിച്ചിരുന്നു. നേതൃസ്ഥാനത്തേക്കുള്ള മത്സരത്തിൽ തന്റെ ഏക എതിരാളിയായിരുന്ന ബർണാഡ് ഡ്രെയിൻവില്ലിന് മന്ത്രിസഭയിൽ സുപ്രധാന ചുമതല നൽകുമെന്നും പ്രീമിയർ സ്ഥിരീകരിച്ചിട്ടുണ്ട്.
പാർട്ടി സ്ഥാപകൻ ഫ്രാൻസ്വ ലഗൂട്ടിന്റെ പിൻഗാമിയായി എത്തിയ ഫ്രഷെറ്റ്, പാർട്ടിയിൽ മാറ്റങ്ങൾ കൊണ്ടുവരുമെന്നും സമ്പദ്വ്യവസ്ഥയിൽ ശ്രദ്ധ കേന്ദ്രീകരിക്കുമെന്നും പ്രചാരണ വേളയിൽ വാഗ്ദാനം ചെയ്തിരുന്നു. പ്രീമിയർ പ്രഖ്യാപിക്കുന്ന പുതിയ മന്ത്രിസഭയുടെ സത്യപ്രതിജ്ഞ ഉടൻ ഉണ്ടാകുമെന്നാണ് റിപ്പോർട്ടുകൾ. ക്യുബെക്ക് നിയമസഭയുടെ സമ്മേളനം മെയ് 5-ന് പുനരാരംഭിക്കാൻ നിശ്ചയിച്ചിരിക്കെയാണ് പുതിയ മന്ത്രിസഭാ രൂപീകരണം നടക്കുന്നത്. പുതിയ ഭരണകൂടത്തിന്റെ നയരൂപീകരണത്തിലും സാമ്പത്തിക പരിഷ്കാരങ്ങളിലും ഈ ടീം നിർണ്ണായക പങ്ക് വഹിക്കുമെന്നാണ് വിലയിരുത്തൽ.
Quebec cabinet expansion: Premier Christine Frechette to announce new members today
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
