ഹാൾട്ടൺ പോലീസ് ഓക്വില്ലെയിലെ സംശയാസ്പദമായി മരണത്തിനിരയായ 43 വയസ്സുള്ള ബൽജീത് ‘ബാലി’ ടോക്കി എന്ന വ്യക്തിയെ തിരിച്ചറിഞ്ഞു. ശനിയാഴ്ച, മാർച്ച് 22ന് ഏകദേശം വൈകുന്നേരം 5:30ന് നേവി സ്ട്രീറ്റിന് സമീപം ലേക്ക്ഷോർ റോഡ് ഈസ്റ്റിലുള്ള മൊണ്ടാജിയോ കസ്റ്റം ടെയ്ലറിംഗിന്റെ ഉള്ളിൽ ടോക്കിയെ മരിച്ച നിലയിൽ കണ്ടെത്തി. അന്വേഷണത്തിന് ശേഷം, പോലീസ് അദ്ദേഹത്തിന്റെ മരണം കൊലപാതകമായി ഉന്നയിച്ചു . എന്നാൽ പൊതുജനങ്ങളുടെ സുരക്ഷയ്ക്ക് യാതൊരു ഭീഷണിയും ഇല്ലെന്ന് അവർ ഉറപ്പ് നൽകി. ഈ സംഭവം പ്രദേശത്തെ വ്യാപാര സമൂഹത്തിന്റെ ഇടയിൽ ആശങ്ക ഉയർത്തിയിട്ടുണ്ട്. പ്രത്യേകിച്ച് പകൽ സമയത്ത് ഒരു പ്രമുഖ ബിസിനസ് മേഖലയിൽ നടന്ന ഈ കൊലപാതകം.
തെളിവുകൾ ശേഖരിക്കുന്നതിനായി പോലീസ് ഇപ്പോൾ പൊതുജനങ്ങളുടെ സഹായം തേടുകയാണ്. സംഭവ ദിവസം രാവിലെ 10 മണി മുതൽ വൈകുന്നേരം 5:30 വരെ ട്രഫൽഗർ റോഡിനും നേവി സ്ട്രീറ്റിനും ഇടയിലുള്ള പ്രദേശവും , വില്യം സ്ട്രീറ്റിന് വടക്കും റാൻഡൽ സ്ട്രീറ്റിന് തെക്കുമുള്ള പ്രദേശത്തുനിന്നുമുള്ള നിരീക്ഷണ ദൃശ്യങ്ങളാണ് അവർ ആവശ്യപ്പെടുന്നത്. കൂടാതെ, ലേക്ക്ഷോറിനും ഡണ്ടാസ് സ്ട്രീറ്റുകൾക്കും ഇടയിലുള്ള ട്രഫൽഗർ റോഡിലൂടെ സഞ്ചരിച്ച ഡ്രൈവർമാരോട് ഡാഷ്കാം ദൃശ്യങ്ങളുമായി മുന്നോട്ട് വരാൻ പോലീസ് ആവശ്യപ്പെടുന്നു.
വിവരങ്ങൾ കൈവശമുണ്ടെഗിൽ 905-825-4776 എന്ന നമ്പരിൽ ഹാൾട്ടൺ പോലീസുമായി ബന്ധപ്പെടണമെന്ന് അന്വേഷകർ അഭ്യർത്ഥിക്കുന്നു. ക്രൈം സ്റ്റോപ്പേഴ്സ് വഴി അജ്ഞാത വിവരങ്ങളും നൽകാവുന്നതാണ്. ടോക്കിയുടെ മരണത്തിന് ചുറ്റുമുള്ള സാഹചര്യങ്ങൾ നിർണ്ണയിക്കാൻ പോലീസ് പ്രവർത്തിക്കുന്നതിനാൽ അന്വേഷണം തുടരുകയാണ്. ഈ കൊലപാതകം ഓക്വില്ലെയിലെ സമീപകാല ക്രിമിനൽ സംഭവങ്ങളുടെ ഭാഗമാണോ എന്നത് സംബന്ധിച്ച് അധികാരികൾ ഇതുവരെ പ്രതികരിച്ചിട്ടില്ല.
