ഒട്ടാവ: കാനഡയിലെ ദശലക്ഷക്കണക്കിന് കുടുംബങ്ങൾക്ക് ആശ്വാസമായി 2026-ലെ മൂന്നാമത്തെ കാനഡ ചൈൽഡ് ബെനഫിറ്റ് (CCB) പേയ്മെന്റ് ഈ മാസം 20-ന് എത്തും. കുട്ടികളെ വളർത്തുന്നതിനായുള്ള ചെലവുകൾക്കായി മാതാപിതാക്കൾക്ക് വലിയ സഹായമാണ് ഈ തുക.
നിലവിലെ ഗുണഭോക്താക്കൾക്കും പുതുതായി കാനഡയിലെത്തിയ സ്ഥിരതാമസക്കാർക്കും (Permanent Residents) ഈ ആനുകൂല്യം ലഭ്യമാണ്.
നിലവിലെ ആനുകൂല്യ വർഷം (ജൂലൈ 2025 – ജൂൺ 2026) പ്രകാരം, ആറുവയസ്സിൽ താഴെയുള്ള കുട്ടികൾക്ക് പ്രതിമാസം 666.41 ഡോളർ വരെയും, 6 മുതൽ 17 വയസ്സുവരെയുള്ള കുട്ടികൾക്ക് 562.33 ഡോളർ വരെയുമാണ് ലഭിക്കുക. കുടുംബത്തിന്റെ വാർഷിക വരുമാനം 37,487 ഡോളറിൽ താഴെയാണെങ്കിൽ ഈ പരമാവധി തുക മുഴുവനായും ലഭിക്കും. 2024-ലെ ടാക്സ് റിട്ടേൺ അടിസ്ഥാനമാക്കിയാണ് മാർച്ചിലെ പേയ്മെന്റ് കണക്കാക്കുന്നത്. കൂടാതെ, ശാരീരിക വെല്ലുവിളികൾ നേരിടുന്ന കുട്ടികൾക്കായി ചൈൽഡ് ഡിസബിലിറ്റി ബെനഫിറ്റ് (CDB) എന്ന പേരിൽ പ്രതിമാസം 284.25 ഡോളർ അധികമായും ലഭിക്കും.
കാനഡയിലെത്തിയ പുതിയ പിആർ (PR) ഉടമകൾക്ക് ലാൻഡ് ചെയ്ത ഉടൻ തന്നെ ഇതിനായി അപേക്ഷിക്കാം. എന്നാൽ വർക്ക് പെർമിറ്റിലോ സ്റ്റഡി പെർമിറ്റിലോ ഉള്ള താൽക്കാലിക താമസക്കാർക്ക് (Temporary Residents) കാനഡയിൽ 18 മാസം താമസം പൂർത്തിയാക്കിയാൽ മാത്രമേ ഈ ആനുകൂല്യത്തിന് അർഹതയുണ്ടാവൂ. വരാനിരിക്കുന്ന ജൂലൈ മുതൽ പേയ്മെന്റുകളിൽ വർദ്ധനവുണ്ടാകുമെന്നും സർക്കാർ അറിയിച്ചിട്ടുണ്ട്. ടാക്സ് ഫയലിംഗ് സീസൺ ആയതിനാൽ, ആനുകൂല്യങ്ങൾ തടസ്സമില്ലാതെ ലഭിക്കാൻ 2025-ലെ ടാക്സ് റിട്ടേണുകൾ കൃത്യസമയത്ത് സമർപ്പിക്കാൻ സിആർഎ (CRA) നിർദ്ദേശിക്കുന്നു.
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=hq1tcla
Next Canada Child Benefit Payments Coming On March 20
