ദുബായ്: മിസൈൽ ആക്രമണ ഭീഷണിയെത്തുടർന്ന് താൽക്കാലികമായി അടച്ചിട്ടിരുന്ന ദുബായ് അന്താരാഷ്ട്ര വിമാനത്താവളം ഇന്ന് ഉച്ചയോടെ പ്രവർത്തനസജ്ജമായെന്ന് അധികൃതർ അറിയിച്ചു. ഇതോടെ റദ്ദാക്കിയിരുന്ന മുഴുവൻ സർവീസുകളും സാധാരണ നിലയിലാകും. ഇറാൻ തൊടുത്തുവിട്ട മിസൈൽ ആകാശത്തുവെച്ച് തകർത്തെങ്കിലും അതിന്റെ അവശിഷ്ടങ്ങൾ വീണതിനെത്തുടർന്നുണ്ടായ സുരക്ഷാ ആശങ്കകളാണ് സർവീസുകൾ നിർത്തിവെക്കാൻ കാരണമായത്. യാത്രക്കാരുടെയും ജീവനക്കാരുടെയും സുരക്ഷ കണക്കിലെടുത്താണ് വിമാനത്താവളം അടച്ചതെന്ന് ഔദ്യോഗിക വൃത്തങ്ങൾ വ്യക്തമാക്കി.
സാഹചര്യം സൂക്ഷ്മമായി നിരീക്ഷിച്ചു വരികയാണെന്നും പുതുക്കിയ സർവീസ് ഷെഡ്യൂളുകൾ യാത്രക്കാരെ യഥാസമയം അറിയിക്കുമെന്നും എമിറേറ്റ്സ് പ്രസ്താവനയിൽ പറഞ്ഞു. സുരക്ഷിതമായ വ്യോമപാതകൾ ഉറപ്പുവരുത്തിയ ശേഷമായിരിക്കും തുടർന്നുള്ള യാത്രകൾ. യാത്രക്കാർക്ക് വെബ്സൈറ്റ് വഴി വിമാനങ്ങളുടെ സമയം പരിശോധിക്കാനും പുതിയ ബുക്കിംഗുകൾ നടത്താനും സൗകര്യമുണ്ട്. വിമാനത്താവളം തുറക്കുന്നതോടെ കുടുങ്ങിക്കിടക്കുന്ന പതിനായിരക്കണക്കിന് യാത്രക്കാർക്ക് വലിയ ആശ്വാസമാകും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Dubai Airport reopens; Emirates to resume suspended flights
