സാസ്കാറ്റൂൺ: സാസ്കാറ്റൂണിൽ സ്ത്രീകളെ ഒളിഞ്ഞുനോക്കിയതിനും അശ്ലീല പ്രദർശനത്തിനുമടക്കം 70 ഓളം കേസുകളിൽ പ്രതിയായ കൈൽ റൊണാൾഡ് ഹമലുക്ക് ജയിൽ മോചിതനായ അന്നുതന്നെ വീണ്ടും അറസ്റ്റിലായി. ഫെബ്രുവരി 14-ന് ജയിലിൽ നിന്നിറങ്ങിയ ഇയാൾ, മണിക്കൂറുകൾക്കകം തന്നെ ജാമ്യവ്യവസ്ഥകൾ ലംഘിച്ചതിനെത്തുടർന്നാണ് പോലീസ് വീണ്ടും പിടികൂടിയത്. ഇയാൾ വീണ്ടും കുറ്റകൃത്യങ്ങളിൽ ഏർപ്പെടാൻ സാധ്യതയുണ്ടെന്ന് കാട്ടി പോലീസ് നേരത്തെ തന്നെ പൊതുജനങ്ങൾക്ക് മുന്നറിയിപ്പ് നൽകിയിരുന്നു.
രാത്രി 9 മണിക്ക് ശേഷം പുറത്തിറങ്ങാൻ പാടില്ല, ക്യാമറയുള്ള ഫോണോ മറ്റ് ഉപകരണങ്ങളോ കൈവശം വെക്കരുത് തുടങ്ങിയ കർശന ഉപാധികളോടെയാണ് ഇയാൾക്ക് ജാമ്യം അനുവദിച്ചിരുന്നത്. എന്നാൽ ഒന്നാം അവന്യൂ സൗത്തിൽ വെച്ച് ഉപാധികൾ ലംഘിച്ചതായി കണ്ടെത്തിയതിനെത്തുടർന്ന് പോലീസ് ഇയാളെ കസ്റ്റഡിയിലെടുക്കുകയായിരുന്നു. 2017-ലും 2020-ലും സമാനമായ കേസുകളിൽ ശിക്ഷിക്കപ്പെട്ട ഇയാൾ, കഴിഞ്ഞ വർഷം 23 ഒളിഞ്ഞുനോട്ട കേസുകളിൽ കൂടി കുറ്റക്കാരനാണെന്ന് കണ്ടെത്തിയിരുന്നു. പ്രതിയെ ഫെബ്രുവരി 17 ചൊവ്വാഴ്ച കോടതിയിൽ ഹാജരാക്കും.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Saskatoon man with a history of spying on women arrested again hours after his release
