വാഷിംഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ആരോഗ്യനിലയെക്കുറിച്ച് ലോകമെങ്ങും ആശങ്ക പടർത്തുന്ന റിപ്പോർട്ടുകൾ പുറത്തുവരുന്നു. ട്രംപിന്റെ ആയുസ്സ് ഇനി ഏതാനും മാസങ്ങൾ മാത്രമാണെന്ന വിചിത്രമായ വാദവുമായി പ്രമുഖ ഫിസിക്കൽ തെറാപ്പിസ്റ്റ് ആദം ജെയിംസ് രംഗത്തെത്തിയതോടെയാണ് ചർച്ചകൾ സജീവമായത്. യുഎസ് രാഷ്ട്രീയ നിരീക്ഷകൻ ഡേവിഡ് പാക്മാനുമായി നടത്തിയ അഭിമുഖത്തിലാണ് ട്രംപിന്റെ ശരീരഭാഷയിലും പെരുമാറ്റത്തിലും പ്രകടമാകുന്ന മാറ്റങ്ങൾ വിശകലനം ചെയ്തുകൊണ്ട് ഈ അവകാശവാദം ഉന്നയിച്ചിരിക്കുന്നത്.
ട്രംപിന്റെ സമീപകാല പൊതുപരിപാടികളിലെ പെരുമാറ്റമാണ് ഇത്തരം സംശയങ്ങൾക്ക് ആധാരമായി ചൂണ്ടിക്കാണിക്കപ്പെടുന്നത്. പ്രസംഗങ്ങൾക്കിടയിലെ ഓർമ്മക്കുറവ്, പരസ്പരബന്ധമില്ലാത്ത സംസാരം, കൈകളിലെ അസാധാരണമായ ചതവുകൾ എന്നിവ ഇതിന്റെ ലക്ഷണങ്ങളാണെന്ന് വിദഗ്ധർ നിരീക്ഷിക്കുന്നു. അടുത്തിടെ ഒരു റെഡ് കാർപെറ്റ് ഇവന്റിൽ അദ്ദേഹം മുടന്തി നടന്നത് തലച്ചോറിലുണ്ടായ പക്ഷാഘാതത്തിന്റെ സൂചനയാണെന്നും, അദ്ദേഹത്തിന്റെ തലച്ചോറിലെ കോശങ്ങൾ നശിക്കുന്ന ഗുരുതരമായ അവസ്ഥയുണ്ടെന്നും ആദം ജെയിംസ് ആരോപിക്കുന്നു.
വേൾഡ് ഇക്കണോമിക് ഫോറം പോലുള്ള വേദികളിൽ ട്രംപിന്റെ പ്രസംഗങ്ങൾ അവ്യക്തമായതും ഗ്രീൻലാൻഡിനെ ഐസ്ലാൻഡ് എന്ന് തെറ്റായി വിശേഷിപ്പിച്ചതും ഈ രോഗാവസ്ഥയുടെ ഭാഗമാണെന്നാണ് വിലയിരുത്തൽ. നിലവിൽ 79 വയസ്സുള്ള ട്രംപ്, ഭരണകാലാവധി പൂർത്തിയാക്കുമ്പോൾ അമേരിക്കയിലെ ഏറ്റവും പ്രായം കൂടിയ പ്രസിഡന്റ് എന്ന റെക്കോർഡിന് ഉടമയാകും.
എന്നാൽ, ആരോഗ്യപ്രശ്നങ്ങളെക്കുറിച്ചുള്ള എല്ലാ അഭ്യൂഹങ്ങളെയും വൈറ്റ് ഹൗസും ട്രംപും പാടെ തള്ളിക്കളഞ്ഞു. താൻ പൂർണ്ണ ആരോഗ്യവാനാണെന്ന് വാൾസ്ട്രീറ്റ് ജേണലിന് നൽകിയ അഭിമുഖത്തിൽ അദ്ദേഹം വ്യക്തമാക്കിയിരുന്നു. എങ്കിലും, പൊതുവേദികളിൽ അദ്ദേഹം മയങ്ങിപ്പോകുന്നതും മാധ്യമപ്രവർത്തകരുടെ ചോദ്യങ്ങൾക്ക് മറുപടി നൽകാനാവാതെ പതറുന്നതും വാർത്താമാധ്യമങ്ങളിലും സോഷ്യൽ മീഡിയയിലും വലിയ ചർച്ചയായി തുടരുകയാണ്.
Shocking information about Trump’s health revealed
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
