ബാരി : ശക്തമായ മഞ്ഞുകാറ്റും കൊടുംതണുപ്പും മേഖലയെ ബാധിക്കുമെന്ന് ദേശീയ കാലാവസ്ഥാ കേന്ദ്രമായ എൻവയോൺമെന്റ് കാനഡ അറിയിച്ചു. സിംകോ കൗണ്ടി, മസ്കോക്ക എന്നിവിടങ്ങളിൽ നിലവിൽ മഞ്ഞുകാറ്റ് സംബന്ധിച്ച മഞ്ഞ ജാഗ്രതയും (Yellow blowing snow advisory) ശൈത്യതരംഗ മുന്നറിയിപ്പും പുറപ്പെടുവിച്ചിട്ടുണ്ട്. വെള്ളിയാഴ്ച വൈകുന്നേരം ആരംഭിച്ച ഈ കാലാവസ്ഥാ വ്യതിയാനം ശനിയാഴ്ചയും തുടരുമെന്നും പെട്ടെന്നുണ്ടാകുന്ന മഞ്ഞുവീഴ്ച മൂലം ഉയർന്ന തോതിൽ മഞ്ഞ് അടിഞ്ഞുകൂടാൻ സാധ്യതയുണ്ടെന്നും അധികൃതർ അറിയിച്ചു.
മണിക്കൂറിൽ 80 കിലോമീറ്റർ വേഗതയിൽ വീശിയടിക്കുന്ന വടക്കുപടിഞ്ഞാറൻ കാറ്റ് മഞ്ഞുവീഴ്ചയുടെ തീവ്രത വർദ്ധിപ്പിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ആർട്ടിക് മേഖലയിൽ നിന്നുള്ള ശക്തമായ ശീതതരംഗം തെക്കുകിഴക്ക് ദിശയിലേക്ക് നീങ്ങുന്നതാണ് നിലവിലെ സാഹചര്യത്തിന് കാരണം. അതിശൈത്യം മൂലം ഉണ്ടാകുന്ന താപനില മൈനസ് 30 ഡിഗ്രി സെൽഷ്യസിലേക്ക് താഴാൻ സാധ്യതയുണ്ട്. ഇത് ‘ഫ്രോസ്റ്റ് ബൈറ്റ്’ പോലുള്ള ആരോഗ്യപ്രശ്നങ്ങൾക്ക് കാരണമായേക്കാമെന്നും അധികൃതർ മുന്നറിയിപ്പ് നൽകി.
റോഡുകളിൽ കാഴ്ചപരിധി പൂജ്യം ഡിഗ്രിയിലേക്ക് കുറയാൻ സാധ്യതയുള്ളതിനാൽ വാഹനയാത്രികർ ജാഗ്രത പാലിക്കണമെന്ന് നിർദ്ദേശമുണ്ട്. സെൻട്രൽ ഒന്റാരിയോയിലെ പല ഭാഗങ്ങളിലും നിലനിന്നിരുന്ന സ്നോ സ്ക്വാൾ വാണിംഗ് നിലവിൽ പിൻവലിച്ചിട്ടുണ്ട്. എന്നിരുന്നാലും, കനത്ത മഞ്ഞുവീഴ്ച യാത്രാതടസ്സങ്ങൾക്കും അപകടങ്ങൾക്കും കാരണമായേക്കാമെന്ന് എൻവയോൺമെന്റ് കാനഡ വിലയിരുത്തുന്നു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
Environment Canada issues warning for Barrie, heavy snow and wind possible
