ഒട്ടാവ: കാനഡയിൽ ശൈത്യകാല അവധിക്ക് ശേഷം പാർലമെന്റ് സമ്മേളനം പുനരാരംഭിച്ച ആദ്യ ദിനം തന്നെ സാധാരണക്കാർക്ക് ആശ്വാസ വാർത്തയുമായി പ്രധാനമന്ത്രി മാർക്ക് കാർണി. രാജ്യത്ത് വർദ്ധിച്ചുവരുന്ന ജീവിതച്ചെലവ് നേരിടാൻ ലക്ഷ്യമിട്ടുള്ള പുതിയ പദ്ധതികളുടെ ഭാഗമായി ജിഎസ്ടി (GST) ക്രെഡിറ്റിൽ വൻ വർദ്ധനവാണ് സർക്കാർ പ്രഖ്യാപിച്ചിരിക്കുന്നത്.
‘കാനഡ ഗ്രോസറീസ് ആൻഡ് എസൻഷ്യൽ ബെനഫിറ്റ്’ എന്ന പേരിൽ അവതരിപ്പിച്ച ഈ പുതിയ പദ്ധതി വഴി ജിഎസ്ടി പേയ്മെന്റുകളിൽ വലിയ വർദ്ധനവ് ഉണ്ടാകും. അടുത്ത അഞ്ച് വർഷത്തിനുള്ളിൽ ത്രൈമാസ പേയ്മെന്റുകൾ 25 ശതമാനം വർദ്ധിപ്പിക്കാനാണ് സർക്കാർ തീരുമാനം. ഇതിനുപുറമെ, ഈ വർഷം ജൂൺ മാസത്തിൽ ഗുണഭോക്താക്കൾക്ക് 50 ശതമാനം തുക ‘വൺ-ടൈം ടോപ്പ്-അപ്പ്’ ആയി അധികമായി നൽകുമെന്നും പ്രധാനമന്ത്രി അറിയിച്ചു.
പുതിയ വർദ്ധനവിലൂടെ സാധാരണക്കാരായ കനേഡിയൻ കുടുംബങ്ങൾക്ക് വലിയ സാമ്പത്തിക സഹായമാണ് ലഭിക്കാൻ പോകുന്നത്. നാലംഗ കുടുംബങ്ങൾക്ക് നിലവിൽ വർഷം 1,100 ഡോളർ ലഭിക്കുന്ന സ്ഥാനത്ത് ഇനി മുതൽ 1,890 ഡോളർ വരെ ലഭിക്കും. അവിവാഹിതർക്ക് നിലവിൽ ലഭിക്കുന്ന 540 ഡോളറിൽ നിന്ന് തുക 950 ഡോളറായി ഉയരും. പലചരക്ക് സാധനങ്ങൾ ഉൾപ്പെടെയുള്ള നിത്യോപയോഗ സാധനങ്ങളുടെ വിലക്കയറ്റത്തിൽ വലയുന്ന സാധാരണക്കാർക്ക് ഈ അധിക തുക വലിയൊരു ആശ്വാസമാകുമെന്നാണ് സർക്കാർ വിലയിരുത്തൽ.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
Federal government unveils boost to GST credit as Parliament resumes
