ടൊറന്റോ: പറന്നുയരാൻ തയ്യാറെടുക്കുന്നതിനിടെ വിമാനത്തിന്റെ കാർഗോ ഹോൾഡിൽ ജീവനക്കാരൻ കുടുങ്ങിയതിനെത്തുടർന്ന് എയർ കാനഡ വിമാനം യാത്ര റദ്ദാക്കി. ടൊറന്റോ പിയേഴ്സൺ അന്താരാഷ്ട്ര വിമാനത്താവളത്തിൽ ഡിസംബർ 13-നാണ് സംഭവം നടന്നത്.
മോൺക്ടണിലേക്ക് (Moncton) പുറപ്പെടേണ്ടിയിരുന്ന എസി 1502 (AC 1502) വിമാനത്തിലാണ് അപകടമുണ്ടായത്. വിമാനത്തിന്റെ കാർഗോ ഭാഗത്ത് ഗ്രൗണ്ട് ക്രൂ അംഗം ജോലി ചെയ്തുകൊണ്ടിരിക്കെ, അകത്ത് ആളുണ്ടെന്നത് ശ്രദ്ധിക്കാതെ പുറത്തുനിന്ന് വാതിൽ അടയ്ക്കുകയായിരുന്നു. വിമാനം റൺവേയിലേക്ക് നീങ്ങാൻ തുടങ്ങിയ ശേഷമാണ് ജീവനക്കാരൻ അകത്ത് കുടുങ്ങിയ വിവരം അധികൃതരുടെ ശ്രദ്ധയിൽപ്പെട്ടത്. വിവരം അറിഞ്ഞ ഉടൻ തന്നെ പൈലറ്റ് വിമാനം തിരികെ ഗേറ്റിലേക്ക് എത്തിച്ചു. ഉടൻ തന്നെ വാതിലുകൾ തുറന്ന് ജീവനക്കാരനെ സുരക്ഷിതമായി പുറത്തെത്തിച്ചു. ഭാഗ്യവശാൽ ഇദ്ദേഹത്തിന് പരിക്കുകളൊന്നും സംഭവിച്ചിട്ടില്ലെന്ന് എയർ കാനഡ വക്താവ് അറിയിച്ചു.
സുരക്ഷാ വീഴ്ചയെത്തുടർന്ന് ആ ദിവസത്തെ വിമാന സർവീസ് പൂർണ്ണമായും റദ്ദാക്കി. സംഭവത്തിൽ എയർ കാനഡ ഔദ്യോഗികമായി അന്വേഷണം ആരംഭിച്ചിട്ടുണ്ട്. എങ്ങനെയാണ് ജീവനക്കാരൻ അകത്തുള്ളപ്പോൾ വാതിൽ അടച്ചത് എന്നതിനെക്കുറിച്ച് വിശദമായ പരിശോധന നടത്തുമെന്നും എയർലൈൻ അധികൃതർ വ്യക്തമാക്കി.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=wwt
Air Canada says crew member was trapped in cargo hold of flight from Toronto Pearson
