നിയമസഭ തിരഞ്ഞെടുപ്പിൽ ഉമ്മൻചാണ്ടിയുടെ മകൾ മറിയ ഉമ്മനും മത്സരിക്കാൻ സാധ്യത. ചെങ്ങന്നൂർ, ആറന്മുള, കാഞ്ഞിരപ്പള്ളി എന്നീ മണ്ഡലങ്ങളാണ് മറിയത്തിനായി കോൺഗ്രസ് നേതൃത്വം പ്രധാനമായും പരിഗണിക്കുന്നത്. ഉമ്മൻചാണ്ടിയെന്ന ജനകീയ നേതാവിനോടുള്ള വൈകാരിക ബന്ധം വോട്ടാക്കി മാറ്റാൻ മറിയത്തിന്റെ സ്ഥാനാർത്ഥിത്വത്തിലൂടെ സാധിക്കുമെന്നാണ് മുന്നണിയുടെ കണക്കുകൂട്ടൽ.
ഇതുമായി ബന്ധപ്പെട്ട് മുതിർന്ന കോൺഗ്രസ് നേതാക്കൾ മറിയ ഉമ്മനുമായി പ്രാഥമിക ചർച്ചകൾ നടത്തിക്കഴിഞ്ഞു. മറിയത്തിന് പുറമെ അച്ചു ഉമ്മന്റെ പേരും പാർട്ടി പരിഗണനയിലുണ്ട്. അതേസമയം, പാർട്ടിയുടെ വിജയത്തിനായി ഏത് വിട്ടുവീഴ്ചയ്ക്കും തയ്യാറാണെന്ന നിലപാടിലാണ് ചാണ്ടി ഉമ്മൻ. പുതുപ്പള്ളിയിൽ തന്നെ മത്സരിക്കണോ എന്ന കാര്യം പാർട്ടിക്ക് തീരുമാനിക്കാമെന്നും മണ്ഡലം വിട്ടുനൽകാൻ തയ്യാറാണെന്നും അദ്ദേഹം നേതൃത്വത്തെ അറിയിച്ചിട്ടുണ്ട്. നിയമസഭാ തിരഞ്ഞെടുപ്പിൽ കേരളത്തിലുടനീളം വലിയ മുന്നേറ്റം ലക്ഷ്യമിട്ടുള്ള നിർണായക നീക്കങ്ങളാണ് ഇപ്പോൾ കോൺഗ്രസിനുള്ളിൽ നടക്കുന്നത്.
കാനഡയിലെ ഏറ്റവും പുതിയ വാർത്തകൾക്കായി:
https://chat.whatsapp.com/Ghtm5bIjsVN8SItyDlaj3Q?mode=wwt
Oommen Chandy’s daughter Maria Oommen is likely to contest in Assembly election
