“മെഡ് ഇൻ കാനഡ”- സ്പ്രേഗ് ഫുഡ്സ് മുന്നോട്ടു കുതിക്കുന്നു

അമേരിക്കൻ താരിഫ് പ്രക്ഷോഭത്തിലും കനേഡിയൻ സൂപ്പ് കമ്പനിക്ക് വൻ വളർച്ച

ഒന്റാറിയോയിലെ ബെല്ലെവില്ലിൽ നിന്നുള്ള ഒരു കുടുംബം നടത്തുന്ന കാനറി സ്ഥാപനമായ സ്പ്രേഗ് ഫുഡ്സ്, അടുത്തിടെ ഏർപ്പെടുത്തിയ അമേരിക്കൻ താരിഫുകളോടുള്ള പ്രതികരണമായി കനേഡിയൻ ഉപഭോക്താക്കൾ പ്രാദേശിക ഉൽപ്പന്നങ്ങൾ വാങ്ങുന്നതിലൂടെ വിൽപ്പനയിൽ വൻ വർധനവ് രേഖപ്പെടുത്തിയിരിക്കുന്നു. 100-ാം വാർഷികം ആഘോഷിക്കുന്ന ഈ കമ്പനി, ഉപഭോക്താക്കൾ കനേഡിയൻ ഉൽപ്പന്നങ്ങൾക്ക് പിന്തുണ നൽകുന്നതിനാൽ വെബ്സൈറ്റ് ട്രാഫിക്കിലും സോഷ്യൽ മീഡിയ എൻഗേജ്മെന്റിലും ഗണ്യമായ വർധനവ് രേഖപ്പെടുത്തിയിട്ടുണ്ട്.

ആഭ്യന്തര വിപണിയിലെ ഈ ഉണർവ് ആശാവഹമാണെങ്കിലും, അമേരിക്കൻ വിപണിയിൽ സ്പ്രേഗ് ഫുഡ്സ് വെല്ലുവിളികൾ നേരിടുന്നുണ്ട്. വ്യാപാര അനിശ്ചിതത്വങ്ങൾ കാരണം അമേരിക്കൻ പങ്കാളികളുമായുള്ള നിരവധി പദ്ധതികൾ താൽക്കാലികമായി നിർത്തിവെക്കേണ്ടി വന്നിട്ടുണ്ട്. സാമ്പത്തിക അസ്ഥിരതമൂലം കനേഡിയനും അമേരിക്കനുമായ ബിസിനസുകൾ നിക്ഷേപങ്ങൾ വൈകിപ്പിക്കുന്നുണ്ടെന്ന് ഒന്റാറിയോ ചേംബർ ഓഫ് കൊമേഴ്സ് മുന്നറിയിപ്പ് നൽകുന്നു.
അമേരിക്കയുമായുള്ള ബന്ധം കാനഡയുടെ സമ്പത്വ്യവസ്ഥക്ക് സമ്പത് വ്യവസ്ഥക്ക് അത്യന്താപേക്ഷിതമാണ്, എന്നാൽ ഇപ്പോഴത്തെ സംഘർഷങ്ങൾ ഇരു രാജ്യങ്ങളിലെയും വ്യവസായങ്ങളെ ബാധിക്കുന്നുണ്ടെന്ന് ചേംബറിന്റെ വക്താവ് അഭിപ്രായപ്പെട്ടു.

ഇരു രാജ്യങ്ങളും തമ്മിലുള്ള വ്യാപാര ബന്ധങ്ങൾ എങ്ങനെ വികസിക്കുമെന്നത് അനിശ്ചിതമായി തുടരുമ്പോഴും, സ്പ്രേഗ് ഫുഡ്സിന്റെ കഥ വ്യാപാര സംഘർഷങ്ങളുടെ യഥാർത്ഥ ഫലങ്ങളെയും, പ്രാദേശിക ബിസിനസുകൾ അതിജീവിക്കാനും വളരാനുമുള്ള കഴിവിനെയും എടുത്തുകാണിക്കുന്നു.