ന്യൂ ബ്രൺസ്വിക്ക്: പൊതുജനാരോഗ്യ നിയമത്തിലെ ഭേദഗതി ബില്ലിൽ ‘ഗുരുതരമായ പോരായ്മകൾ’ ചൂണ്ടിക്കാട്ടി ഗ്രീൻ പാർട്ടി നേതാവ് ഡേവിഡ് കൂൺ. ചീഫ് മെഡിക്കൽ ഓഫീസർ ഓഫ് ഹെൽത്ത് (CMOH) ഓഫീസിന്റെ സ്വതന്ത്ര സ്വഭാവം വർദ്ധിപ്പിക്കുന്നതിന് ലക്ഷ്യമിട്ടുള്ള ബില്ലിനെതിരെയാണ് കൂൺ കഴിഞ്ഞയാഴ്ച ഒരു നിയമസഭാ സമിതിയുടെ മുന്നിൽ ആശങ്കകൾ ഉന്നയിച്ചത്. ഈ നിയമഭേദഗതികൾ കൊണ്ടുവന്നിരിക്കുന്നത്, സമൂഹങ്ങളെ സംരക്ഷിക്കാൻ വിശ്വസനീയമായ സ്വതന്ത്ര വിദഗ്ദ്ധ ഉപദേശം ഉപയോഗിക്കുമെന്ന ഹോൾട്ട് സർക്കാരിന്റെ ഉറപ്പ് നടപ്പാക്കാൻ വേണ്ടിയാണ്.
ഈ നിർദ്ദേശങ്ങൾ പ്രകാരം, CMOH-നെ നിയമിക്കാനുള്ള ഉത്തരവാദിത്തം ആരോഗ്യ മന്ത്രിയിൽ നിന്ന് മാറ്റി മന്ത്രിസഭയ്ക്ക് (Cabinet) മൊത്തത്തിൽ നൽകും. അതുപോലെ, കാരണസഹിതം CMOH-നെ സ്ഥാനത്തുനിന്ന് നീക്കം ചെയ്യാനുള്ള അധികാരം നിയമപരമായി മന്ത്രിസഭയിൽ നിക്ഷിപ്തമാക്കുകയും ചെയ്യും. എന്നാൽ, ‘കാരണമില്ലാതെ CMOH-നെ നീക്കം ചെയ്യാൻ കഴിയില്ല’ എന്ന് ബില്ലിൽ വ്യക്തമായി പറയുന്നില്ല. ഇത് ഈ മാറ്റത്തെ വെറും ‘കണ്ണിൽ പൊടിയിടൽ’ മാത്രമാക്കുന്നു എന്ന് കൂൺ സമിതിയെ അറിയിച്ചു.
പ്രതിപക്ഷ നേതാവിന്റെ ഈ ആശങ്കയ്ക്ക് മറുപടിയായി ആരോഗ്യ മന്ത്രി ജോൺ ഡോർനാൻ പ്രതികരിച്ചു. ‘കാരണസഹിതം നീക്കം ചെയ്യാനുള്ള അധികാരം’ നിയമപരമായി രേഖപ്പെടുത്തുമ്പോൾ, കാരണമില്ലാതെ നീക്കം ചെയ്യാൻ കഴിയില്ല എന്ന് അത് ‘സൂചിപ്പിക്കുന്നു’ എന്നാണ് മന്ത്രി സമിതിയിൽ പറഞ്ഞത്. നിയമത്തിന്റെ കരട് തയ്യാറാക്കിയവർ ഈ പരോക്ഷമായ ആശയം മനസ്സിലാക്കിയിട്ടുണ്ട് എന്നും അദ്ദേഹം കൂട്ടിച്ചേർത്തു.
കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/Ghtm5bIjsVN8SItyDlaj3Q?mode=wwt
CMOH appointment to cabinet: “Serious flaw”; NB Green Party leader warns!
