ഓട്ടവ: യൂറോപ്പിലേക്ക് ഹ്രസ്വ സന്ദർശനം നടത്തുന്ന കനേഡിയൻ പൗരന്മാർ ഉൾപ്പെടെയുള്ള വീസ രഹിത യാത്രക്കാർക്ക് അതിർത്തി നിയമങ്ങൾ കർശനമാക്കി യൂറോപ്യൻ രാജ്യങ്ങൾ.
പുതിയ മാറ്റങ്ങൾ ഇവയാണ്:
എൻട്രി/എക്സിറ്റ് സിസ്റ്റം (EES): ഏപ്രിൽ 10-ഓടെ നിലവിൽ വരുന്ന ഈ സംവിധാനം വഴി 29 യൂറോപ്യൻ രാജ്യങ്ങളിൽ പ്രവേശിക്കുന്നവരുടെയും പുറത്തുപോകുന്നവരുടെയും വിവരങ്ങൾ ഇലക്ട്രോണിക് രീതിയിൽ രേഖപ്പെടുത്തും. യാത്രക്കാരുടെ മുഖചിത്രവും വിരലടയാളവും ഈ സംവിധാനം വഴി ശേഖരിക്കും. അതിർത്തി മാനേജ്മെൻ്റ് നവീകരിക്കുന്നതിൻ്റെ ഭാഗമായി, അനുവദിച്ച താമസ കാലാവധി കഴിഞ്ഞിട്ടില്ലെന്ന് ഉറപ്പാക്കാനും, തീവ്രവാദം, സംഘടിത കുറ്റകൃത്യങ്ങൾ എന്നിവ തടയാനുമാണ് ഈ നീക്കം.
ETIAS (European Travel Information and Authorization System): അടുത്ത വർഷം അവസാനത്തോടെ 30 യൂറോപ്യൻ രാജ്യങ്ങൾക്കായി ഈ ഇലക്ട്രോണിക് യാത്രാ അംഗീകാരം നിർബന്ധമാക്കും. കാനഡയിലേക്കുള്ള യാത്രക്കാർ eTA (Electronic Travel Authorization) എടുക്കുന്നതിന് സമാനമാണിത്.
വീസ ആവശ്യമില്ലാത്ത യാത്രക്കാർ 20 യൂറോ നൽകി ഓൺലൈനായി ഈ അംഗീകാരം മുൻകൂട്ടി നേടണം. ETIAS ലഭിച്ചാൽ മൂന്ന് വർഷം വരെ സാധുതയുണ്ടാകും. യാത്ര ചെയ്യുന്നതിന് മുൻപ് തന്നെ വ്യക്തികളെക്കുറിച്ചുള്ള വിവരങ്ങൾ വിശകലനം ചെയ്യാനും സുരക്ഷാ ഭീഷണികൾ കുറയ്ക്കാനും പുതിയ നടപടികൾ സഹായിക്കുമെന്ന് അധികൃതർ അറിയിച്ചു.
കാനഡയിലെ ഏറ്റവും പുതിയ വാർത്തകൾക്കായി:https://chat.whatsapp.com/Ghtm5bIjsVN8SItyDlaj3Q?mode=wwt
Canadians will need to obtain this document when travelling to Europe
