ഫ്രെഡറിക്റ്റൺ: ന്യൂ ബ്രൺസ്വിക്കിൽ ഭവനരഹിതരായി കഴിയുന്ന ആളുകളെ സഹായിക്കുന്നതിനായി $7.4 മില്യൺ (ഏകദേശം 61 കോടി ഇന്ത്യൻ രൂപ) അടിയന്തര ഫണ്ട് അനുവദിച്ചതായി പ്രവിശ്യാ സർക്കാർ അറിയിച്ചു. അർഹതയുള്ള ലാഭേച്ഛയില്ലാത്ത ഭവന ദാതാക്കൾക്കാണ് ഈ തുക വിതരണം ചെയ്യുക.
ന്യൂ ബ്രൺസ്വിക്ക് ഹൗസിങ് കോർപ്പറേഷൻ മന്ത്രിയായ ഡേവിഡ് ഹിക്കി അറിയിച്ചത്, ഉടനടി സഹായം ആവശ്യമുള്ള ആളുകൾക്ക് വേണ്ടിയാണ് ഈ ഫണ്ട് ലഭ്യമാക്കിയിരിക്കുന്നത് എന്നാണ്. ഈ തുക, ഈ മേഖലയിൽ നിലവിൽ പ്രവർത്തിക്കുന്ന കമ്മ്യൂണിറ്റി ഓർഗനൈസേഷനുകൾക്ക് വേണ്ടി ലക്ഷ്യമിട്ടുള്ളതാണ്. ഇത് വഴി ആളുകൾക്ക് “താങ്ങും തണലുമുള്ള താൽക്കാലിക താമസ സൗകര്യങ്ങൾ (supportive, transitional housing)” ലഭ്യമാക്കാൻ സാധിക്കും.
ഈ ശൈത്യകാലം തുടങ്ങുന്നതിനു മുൻപ് തന്നെ പുതിയ ഭവന സൗകര്യങ്ങൾ ഒരുക്കാൻ കഴിയുന്ന ചില പദ്ധതികൾ തന്റെ വകുപ്പ് കണ്ടെത്തിയിട്ടുണ്ടെന്നും എന്നാൽ കൃത്യമായ എണ്ണം ഇപ്പോൾ പറയാൻ സാധിക്കില്ലെന്നും ഹിക്കി കൂട്ടിച്ചേർത്തു.
ന്യൂ ബ്രൺസ്വിക്കിലെ സാമൂഹിക പ്രശ്നങ്ങൾ പഠിക്കുന്ന ലാഭേച്ഛയില്ലാത്ത സ്ഥാപനമായ ഹ്യൂമൻ ഡെവലപ്മെന്റ് കൗൺസിലിന്റെ കണക്കനുസരിച്ച്, സെന്റ് ജോൺ, മോൺക്ടൺ, ഫ്രെഡറിക്റ്റൺ എന്നീ നഗരങ്ങളിൽ മാത്രം 900-ൽ അധികം ആളുകൾ ദീർഘകാലമായി ഭവനരഹിതരാണ്. ഭവനരഹിതരുടെ എണ്ണം 2029-ഓടെ 40 ശതമാനം കുറയ്ക്കുക എന്ന ലക്ഷ്യത്തോടെയാണ് സർക്കാർ മുന്നോട്ട് പോകുന്നതെന്നും ഡേവിഡ് ഹിക്കി വ്യക്തമാക്കി.
A home before winter: New Brunswick government announces $7.4 million to help homeless people
📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82
