കുടിയേറ്റ ക്വാട്ട വർദ്ധിപ്പിച്ച് സസ്കാച്ചെവാൻ; പുതിയ നിയമങ്ങൾ നിലവിൽ വന്നു; ആർക്കൊക്കെ പ്രയോജനപ്പെടും?

സസ്കാച്ചെവൻ: കാനഡയിലെ പ്രധാന പ്രവിശ്യകളിലൊന്നായ സസ്കാച്ചെവൻ, 2025-ലേക്കുള്ള പ്രൊവിൻഷ്യൽ നോമിനി പ്രോഗ്രാം (SINP) ക്വാട്ട വർദ്ധിപ്പിച്ചിട്ടുണ്ട്. ഈ വർഷം 1,100-ലധികം പുതിയ നോമിനേഷനുകൾക്കാണ് സാസ്കച്ചെവാൻ അംഗീകാരം നേടിയത്. ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) 2025-ലേക്ക് 1,136 പുതിയ നോമിനേഷനുകളാണ് അനുവദിച്ചത്. ഇതോടെ പ്രവിശ്യയുടെ മൊത്തം SINP നോമിനേഷനുകൾ 3,625-ൽ നിന്ന് 4,761 ആയി ഉയർന്നു.

ഈ വർധനവിനെ പ്രവിശ്യാ സർക്കാർ സ്വാഗതം ചെയ്യുന്നുണ്ടെങ്കിലും, ഇത് മുൻകാലങ്ങളിലെ ഉയർന്ന നോമിനേഷൻ നിലവാരത്തിന് താഴെയാണെന്ന് വ്യക്തമാക്കുന്നു. ആരോഗ്യം, കൃഷി, നൈപുണ്യമുള്ള ജോലികൾ (skilled trades) എന്നിവയ്ക്ക് മുൻഗണന നൽകിക്കൊണ്ട്, ഈ നിർണായക മേഖലകളിലെ തൊഴിൽ ക്ഷാമം പരിഹരിക്കാനാണ് പ്രവിശ്യ ശ്രമിക്കുന്നത്.

SINP മാറ്റങ്ങൾ

നിശ്ചിത മേഖലകളിൽ നിയന്ത്രണം: ട്രക്കിംഗ്, താമസസൗകര്യം, ഭക്ഷ്യ സേവനങ്ങൾ, റീട്ടെയിൽ ട്രേഡ് തുടങ്ങിയ ചില മേഖലകളിലെ നോമിനേഷനുകൾക്ക് 25% പരിധി വീണ്ടും ഏർപ്പെടുത്തിയിട്ടുണ്ട്. നേരത്തെ അപേക്ഷകൾ മടക്കി അയച്ചിരുന്ന ഈ മേഖലകളിലേക്ക് ഇപ്പോൾ വീണ്ടും അപേക്ഷകൾ പരിഗണിച്ചു തുടങ്ങിയിട്ടുണ്ട്.

മുൻഗണന ഈ മേഖലകൾക്ക്: ആരോഗ്യ സംരക്ഷണം, കൃഷി, സ്കിൽഡ് ട്രേഡ്സ് തുടങ്ങിയ മേഖലകളിലെ അപേക്ഷകർക്കാണ് ഇപ്പോൾ മുൻഗണന നൽകുന്നത്.

പ്രോഗ്രാം മാറ്റങ്ങൾ

പുതിയ നിയമം: ഫെഡറൽ സർക്കാരിന്റെ പുതിയ നയങ്ങൾക്കനുസരിച്ച്, 75% നോമിനികളും നിലവിൽ കാനഡയിൽ താമസിക്കുന്നവരായിരിക്കണം (താൽക്കാലിക താമസക്കാർ).

ചില സ്ട്രീമുകൾക്ക് നിയന്ത്രണം: എൻട്രപ്രണർ, ഫാം ഓണർ/ഓപ്പറേറ്റർ എന്നീ പെർമനന്റ് റെസിഡൻസ് സ്ട്രീമുകൾ നിലവിൽ നിർത്തിവെച്ചിരിക്കുകയാണ്. കൂടാതെ, ഓപ്പൺ വർക്ക് പെർമിറ്റ്, വിദ്യാർത്ഥികളുമായി ബന്ധപ്പെട്ട ചില യോഗ്യതാ മാനദണ്ഡങ്ങൾ കർശനമാക്കി. സ്പാ, സലൂൺ, പെറ്റ് കെയർ സർവീസുകൾ തുടങ്ങിയ ചില തൊഴിലുകൾക്കും ഇപ്പോൾ യോഗ്യതയില്ല.

തൊഴിൽ വിപണിയിലെ സ്വാധീനം

ക്വാട്ട വർദ്ധിപ്പിച്ചെങ്കിലും, ചില മേഖലകളിലെ തൊഴിലുടമകൾ ഇപ്പോഴും തൊഴിലാളികളുടെ കുറവ് നേരിടുന്നുണ്ട്. വർധിപ്പിച്ച നോമിനേഷനുകൾ പോലും തൊഴിൽ ആവശ്യങ്ങൾ പൂർണ്ണമായി നിറവേറ്റുന്നില്ലെന്നാണ് അവരുടെ പക്ഷം. നേരത്തെ നിർത്തലാക്കിയ ചില മേഖലകളിലെ അപേക്ഷകൾ ഇപ്പോൾ വീണ്ടും പരിഗണിച്ച് തുടങ്ങിയിട്ടുണ്ട്.

ഇഒഐ സിസ്റ്റം സ്റ്റാറ്റസ്

ഇന്റർനാഷണൽ സ്കിൽഡ് വർക്കർ സ്ട്രീമിലേക്കുള്ള എക്സ്പ്രഷൻ ഓഫ് ഇൻട്രസ്റ്റ് (EOI) സിസ്റ്റം നിലവിലുണ്ടെങ്കിലും, നോമിനേഷൻ നിയന്ത്രണങ്ങൾ കാരണം ചില സ്ട്രീമുകളിലേക്കുള്ള സെലക്ഷൻ ഇൻവിറ്റേഷൻ ഇപ്പോൾ പരിമിതപ്പെടുത്തിയിരിക്കുകയാണ്.

📢 കാനഡയിലെ ഏറ്റവും പുതിയ വാർത്തകൾക്കായി: https://chat.whatsapp.com/JNSnrvnSqw1DUJljLTLp82

Saskatchewan to increase immigration quota