സാസ്കച്ചെവൻ: കാട്ടുതീയിൽ വീടുകൾ നഷ്ടപ്പെട്ട ഡെനാറെ ബീച്ച്, ക്രൈറ്റൺ നിവാസികൾക്കായി 35 മൊഡ്യൂളാർ വീടുകൾ സ്ഥാപിക്കുമെന്ന് പ്രവിശ്യ അറിയിച്ചു. കഴിഞ്ഞ ആഴ്ച ഡെനാറെ ബീച്ച്, ക്രൈറ്റൺ ടൗൺ, സാസ്കച്ചെവൻ പബ്ലിക് സേഫ്റ്റി ഏജൻസിയുടെ റിക്കവറി ടാസ്ക് ടീം എന്നിവയിലെ മുനിസിപ്പൽ നേതാക്കൾ ഈ പദ്ധതികളെക്കുറിച്ച് സമൂഹത്തെ അറിയിച്ചിരുന്നു. ഒക്ടോബറിൽ ലഭ്യമാവുന്ന ഈ വീടുകൾ ശൈത്യകാലത്ത് താൽക്കാലിക താമസ സൗകര്യമൊരുക്കാൻ ഉദ്ദേശിച്ചുള്ളതാണ്. ഇത് വഴി ജനങ്ങൾക്ക് അവരുടെ സമൂഹത്തോടും പ്രാദേശിക സേവനങ്ങളോടും ചേർന്ന് നിൽക്കാൻ സാധിക്കുമെന്ന് അധികൃതർ പ്രസ്താവനയിൽ അറിയിച്ചു.
കാട്ടുതീ ദുരന്തത്തിൽ വീടുകൾ നഷ്ടപ്പെട്ടവർക്ക് ഒരുമിച്ച് പ്രവർത്തിച്ച് സഹായങ്ങൾ എത്തിക്കുന്നതിന് മുൻഗണന നൽകുന്നതായി ഡെനാറെ ബീച്ച് മേയർ കാൾ ലെന്റോവിച്ച് പ്രസ്താവനയിൽ പറഞ്ഞു. ജൂൺ മാസത്തിൽ ഡെനാറെ ബീച്ചിന് കാട്ടുതീയിൽ വലിയ നാശനഷ്ടങ്ങളാണ് ഉണ്ടായത്. 218 വീടുകൾ കത്തിനശിച്ചു. കാട്ടുതീ ദുരന്തത്തിൽ വീടുകൾ നഷ്ടപ്പെട്ടവർക്ക് സമയബന്ധിതമായി സാമ്പത്തിക സഹായം നൽകുന്നില്ലെന്ന് ക്രൈറ്റൺ നിവാസികളും പ്രവിശ്യയെ വിമർശിച്ചിരുന്നു.
ജൂലൈയിൽ, പീറ്റർ ബല്ലാന്റൈൻ ക്രീ നേഷൻ ഡെനാറെ ബീച്ചിൽ നഷ്ടപ്പെട്ട 25 വീടുകൾക്ക് പകരം 8.4 മില്യൺ ഡോളറിൻ്റെ പദ്ധതി പ്രഖ്യാപിച്ചു. ഇതിൽ ആദ്യത്തെ രണ്ട് വീടുകൾ സെപ്റ്റംബറിൽ കൈമാറുമെന്നും ബാക്കിയുള്ളവ ജനുവരിയോടെ പൂർത്തിയാക്കുമെന്നും അറിയിച്ചു. വ്യാഴാഴ്ച ഉച്ചയ്ക്ക് ശേഷം പ്രവിശ്യയിൽ 32 കാട്ടുതീ കേസുകളാണ് റിപ്പോർട്ട് ചെയ്തത്. ഇതിൽ അഞ്ചെണ്ണം നിയന്ത്രണവിധേയമാണ്, രണ്ടെണ്ണം നിയന്ത്രണവിധേയമല്ല, 23 എണ്ണം വിലയിരുത്തലിന് വിധേയമാണ്, രണ്ടെണ്ണം നാശനഷ്ടങ്ങളിൽ നിന്നും സംരക്ഷിക്കുന്നതിനായി പട്ടികപ്പെടുത്തിയിരിക്കുന്നു. നിലവിൽ സാസ്കച്ചെവൻ പബ്ലിക് സേഫ്റ്റി ഏജൻസിക്ക് ഒഴിപ്പിക്കലുകളുമായി ബന്ധപ്പെട്ട് യാതൊരു പങ്കുമില്ലെന്നും അധികൃതർ അറിയിച്ചു.
കാനഡ വാർത്തകൾ മലയാളത്തിൽ ലഭിക്കുവാൻ താഴെയുള്ള ലിങ്ക് വഴി Canada Talks വാട്സ്ആപ്പ് ഗ്രൂപ്പിൽ അംഗമാകൂ : https://chat.whatsapp.com/JNSnrvnSqw1DUJljLTLp82
Sask. wildfire threat: Temporary modular homes coming for homeless
